തമിഴ്‌നാട്ടിൽ വൻതോതിലുള്ള ഓൺലൈൻ ഇടപാടുമായി ബന്ധപ്പെട്ട അന്വേഷണവുമായി ബന്ധപ്പെട്ട് നാല് പേർ ഇഡിയുടെ കസ്റ്റഡിയിൽ. തിരുവള്ളൂർ സ്വദേശികളായ നാലു പേരെയാണ് എൻഫോഴ്‌സ്‌മെൻ്റ് ഡയറക്ടറേറ്റ് കസ്റ്റഡിയിലെടുത്തത്. തമിഴരശൻ, അരവിന്ദൻ, പ്രകാശ്, അജിത് എന്നിവരെ കേന്ദ്ര ഏജൻസി വ്യാഴാഴ്ച അവരുടെ വസതിയിൽ റെയ്ഡ് നടത്തിയ ശേഷമാണ് അറസ്റ്റ് ചെയ്തത്.
ഓൺലൈനിൽ നടന്ന ഒരു കോടി രൂപയുടെ ഇടപാട് ഇഡി അന്വേഷിക്കുന്നുണ്ട്. കുറഞ്ഞത് 20 ഇഡി ഉദ്യോഗസ്ഥരും സെൻട്രൽ റിസർവ് പോലീസ് ഫോഴ്‌സും (സിആർപിഎഫ്) ഇവരുടെ വസതിയിൽ റെയ്ഡ് നടത്തിയെന്നാണ് ഔദ്യോഗിക വിശദീകരണം . ബാങ്ക് ഇടപാടുകൾ ഉൾപ്പെടെയുള്ള കൂടുതൽ തെളിവുകൾ ശേഖരിക്കുന്നതിനായാണ് റെയ്ഡ് നടത്തിയത്.കൂടുതൽ ചോദ്യം ചെയ്യുന്നതിനായി നാലുപേരെയും പിന്നീട് പോലീസ് സ്റ്റേഷനിലേക്ക് കൊണ്ടുപോയതായി ഉദ്യോഗസ്ഥർ പറഞ്ഞു.
തമിഴരശൻ, അരവിന്ദൻ, പ്രകാശ് എന്നിവർ റാണിപ്പേട്ടിലെ ഒരു സ്വകാര്യ സ്ഥാപനത്തിൽ ജോലി ചെയ്യുകയായിരുന്നെന്നും അടുത്തിടെ രാജിവെച്ച് സ്വന്തം കമ്പനി തുടങ്ങുകയായിരുന്നുവെന്നും പറയപ്പെടുന്നു .
Recent Comments