ചിങ്ങം ഒന്നിന് (ആഗസ്റ്റ് 17) ലോഞ്ച് ചെയ്യുന്ന ആക്ഷന്‍ പ്രൈം ഒടിടി പ്ലാറ്റ്‌ഫോം ഓണം പ്രമാണിച്ച് ആഗസ്റ്റ് 19 മുതല്‍ ആഗസ്റ്റ് 30 വരെ എല്ലാ ദിവസങ്ങളിലും പുതുമയുള്ള സിനിമകള്‍ പ്രേക്ഷകര്‍ക്ക് മുന്നിലെത്തിക്കുന്നു.
ലോകത്തിലെവിടെനിന്നും ആന്‍ഡ്രോയ്ഡ് ടിവി, ആപ്പിള്‍ ടിവി, സാംസങ്, എല്‍ജി, റോക്കോ, ആമസോണ്‍ ഫയര്‍, ആന്‍ഡ്രോയ്ഡ് മൊബൈല്‍, ഐ ഒ എസ് തുടങ്ങി എല്ലാ ഓണ്‍ലൈന്‍ സംവിധാനങ്ങളിലും ആക്ഷന്‍ ഒ ടി ടി ലഭ്യമാകും. ബ്ലോക്ക് ചെയിന്‍ ടെക്‌നോളജിയില്‍ ലഭ്യമാകുന്ന ലോകത്തിലെ ആദ്യത്തെ ഒടിടി പ്ലാറ്റ്‌ഫോമാണ് ആക്ഷന്‍ പ്രൈം.
ചെറിയ സിനിമയെന്നോ വലിയ സിനിമയെന്നോ വ്യത്യാസമില്ലാതെ പ്രേക്ഷകരെ ആകര്‍ഷിക്കുന്ന എല്ലാത്തരം സിനിമകളെയും സപ്പോര്‍ട്ട് ചെയ്യുക എന്നതാണ് ആക്ഷന്‍ പ്രൈമിന്റെ പ്രധാന ലക്ഷ്യം.
മലയാളത്തിനു പുറമേ ഹിന്ദി, തെലുങ്ക്,തമിഴ്, കന്നഡ തുടങ്ങി ഹോളിവുഡ് ചിത്രങ്ങള്‍ ഉള്‍പ്പെടെ ആക്ഷന്‍ പ്രൈം ഒടിടിയില്‍ ലഭ്യമാകും.
സിനിമ നിര്‍മാതാക്കള്‍ക്ക് ഭീഷണിയായി നിലനില്‍ക്കുന്ന പൈറസി എന്ന വിപത്തിനെ പരമാവധി ഇല്ലാതാക്കാനും ആക്ഷന്‍ പ്രൈം സംവിധാനങ്ങള്‍ ഒരുക്കിയിട്ടുണ്ട്. ഓരോ സിനിമയുടെയും നിര്‍മാതാക്കള്‍ക്ക് അവരുടെ സിനിമയുടെ കാഴ്ചക്കാരുടെ എണ്ണം കൂടാതെ ആ ചിത്രത്തിന്റെ കമന്റുകള്‍ എല്ലാം നേരിട്ട് അറിയാനാകും എന്നതും ആക്ഷന്‍ പ്രൈമിന്റെ പ്രത്യേകതയാണ്. വാര്‍ത്താ പ്രചരണം എം.കെ. ഷെജിന്‍ ആലപ്പുഴ.
Recent Comments