പണി എന്ന ചിത്രത്തിലൂടെ ശ്രദ്ധേയയായ നടി അഭിനയ വിവാഹിതയായി. വെഗേശന കാർത്തിക് ആണ് വരൻ. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ഹൈദരാബാദിൽ വച്ചായിരുന്നു വിവാഹം. വിവാഹച്ചിത്രങ്ങൾ അഭിനയ സോഷ്യൽ മീഡിയകളിൽ പങ്കുവച്ചു. മാര്‍ച്ച് 9 നായിരുന്നു ഇരുവരുടെയും വിവാഹ നിശ്ചയം. വരന്റെ മുഖം കാണിക്കാതെ, രണ്ട് പേരുടെയും കൈകളുടെ ചിത്രത്തിനൊപ്പമാണ് മോതിരം മാറ്റം കഴിഞ്ഞു എന്ന സന്തോഷ വാര്‍ത്ത അന്ന് അഭിനയ പങ്കുവച്ചത്. ജന്മനാ സംസാര ശേഷിയും കേൾവി ശക്തിയും ഇല്ലെങ്കിലും അതൊന്നും ഒന്നിനും തടസമല്ലെന്ന് തെളിയിച്ച് മറ്റുള്ളവര്‍ക്കു കൂടി പ്രചോദനമായി മാറിയ നടിയാണ് അഭിനയ.
അഭിനയയുടെ ദീർഘകാല സുഹൃത്താണ് കാർത്തിക്. നാടോടികൾ’ എന്ന തമിഴ് സിനിമയിലൂടെ അഭിനയ സിനിമാ രംഗത്തെത്തന്നത്. ശേഷം അഭിനയ വിവിധ ഭാഷകളിലായി 58ഓളം ചിത്രങ്ങളിൽ അഭിനയിച്ചിട്ടുണ്ട്. ആയിരത്തിൽ ഒരുവൻ,ഏഴാം അറിവ്, ഐസക് ന്യൂട്ടൺ സൺ ഓഫ് ഫിലിപ്പോസ്, വീരം, വൺ ബൈ ടൂ, ദ റിപ്പോർട്ടർ, മാർക്ക് ആന്റണി മാർക്ക് ആന്റണി എന്നിവ ശ്രദ്ധേയ ചിത്രങ്ങളാണ്.
Recent Comments