മലയാള സിനിമയിലെ സ്ത്രീകൾ അനുഭവിക്കുന്ന പ്രശ്നങ്ങളെ കുറിച്ച് പഠിക്കാൻ സർക്കാർ നിയോഗിച്ച ജസ്റ്റിസ് ഹേമ കമ്മിറ്റിയ്ക്ക് മുൻപാകെ നൽകിയിരിക്കുന്ന മൊഴികളിൽ 20 എണ്ണം ഗൗരവസ്വഭാവമുള്ളതാണെന്ന് അന്വേഷണസംഘത്തിന്റെ വിലയിരുത്തൽ.
ലൈംഗിക പീഡനവും ചൂഷണങ്ങളും വെളിപ്പെടുത്തുന്ന മൊഴികളാണിത് . വളരെ ഗൗരവസ്വഭാവമുള്ളതാണെന്നാണ് നിഗമനം .ഇവരിൽ ഭൂരിഭാഗം പേരെയും വരും ദിവസത്തിനുള്ളില്‍ നേരിട്ട് ബന്ധപ്പെടും.
നിയമനടപടിയുമായി മുന്നോട്ട് പോകാൻ ആഗ്രഹിക്കുന്നവരുടെ മൊഴിയില്‍ അടുത്ത മൂന്നാം തീയിതിക്കുള്ളില്‍ കേസെടുക്കും.ഇന്നലെ ചേർന്ന പ്രത്യേക സംഘത്തിന്‍റെ യോഗത്തിലാണ് തീരുമാനം.
മൊഴി നൽകിയവരുടെ പൂര്‍ണമായ പേരും അഡ്രെെസ് വെളിപ്പെടുത്താത്തവരെ കണ്ടെത്താൻ സാംസ്കാരിക വകുപ്പിൻ്റെയും ഹേമ കമ്മിറ്റി അംഗങ്ങളുടെയോ സഹായം പ്രത്യേക അന്വേഷണ സംഘം തേടുമെന്നാണ് സൂചന .യഥാര്‍ത്ഥ റിപ്പോര്‍ട്ടിന് 3896 പേജുകളുണ്ട്. പല ഭാഗങ്ങളായി ഇത്രയും പേജുകൾ അന്വേഷണ ഉദ്യോഗസ്ഥർ വായിച്ചിരുന്നു. അടിസ്ഥാനത്തിലാണ് മൊഴികളിൽ 20 എണ്ണം ഗൗരവസ്വഭാവമുള്ളതാണെന്ന് അന്വേഷണസംഘത്തിന്റെ കണ്ടെത്തിയിട്ടുള്ളത് .
Recent Comments