ഇരുപത്തിനാലാമത് രാമു കാര്യാട്ട് അവാര്‍ഡുകള്‍ പ്രഖ്യാപിച്ചു. പ്രശസ്ത സംവിധായകന്‍ രാമു കാര്യാട്ടിന്റെ ഓര്‍മ്മയ്ക്കായി ചലച്ചിത്ര കലാകാരന്മാര്‍ക്കുള്ള അവാര്‍ഡുകളാണ് പ്രഖ്യാപിച്ചത്. മികച്ച നടനുള്ള രാമു കാര്യാട്ട് അവാഡിന് നടന്‍ ആസിഫ് അലി അര്‍ഹനായി. പാന്‍ ഇന്ത്യന്‍ താരമായി ഉണ്ണി മുകുന്ദനെയും മികച്ച നടിയായി അപര്‍ണ ബാലമുരളിയെയും തിരഞ്ഞെടുത്തു.
ജഗദീഷ്, ഇന്ദ്രന്‍സ്, വിജയരാഘവന്‍, ജോജു ജോര്‍ജ്, ഷറഫുദ്ദീന്‍, അര്‍ജുന്‍ അശോകന്‍, വിഷ്ണു ഉണ്ണികൃഷ്ണന്‍, രാജേഷ് മാധവന്‍, ആന്‍സണ്‍ പോള്‍, അഭിമന്യു തിലകന്‍, ഇഷാന്‍, ഷെരീഫ് മുഹമ്മദ്, ഡബ്‌സി, ഫ്രെയ, നിര്‍മ്മാതാവ് ജോബി ജോര്‍ജ്ജ്, എ എസ് ദിനേശ്, സുരഭി ലക്ഷ്മി, മാലാ പാര്‍വ്വതി, ചിത്ര നായര്‍, ചിന്നു ചാന്ദ്‌നി, ശ്രുതി രാമചന്ദ്രന്‍, തുടങ്ങിയ പ്രമുഖരാണ് ഈ വര്‍ഷത്തെ രാമു കാര്യാട്ട് അവാര്‍ഡിന് അര്‍ഹരായവര്‍.
തൃശ്ശൂര്‍ കരിമ്പ്രം ബീച്ച് ഫെസ്റ്റിവലിന്റെ സമാപന ദിനമായ ഏപ്രില്‍ പതിനേഴാം തീയതി നടത്തുന്ന വിപുലമായ ചടങ്ങില്‍ വെച്ച് ജേതാക്കള്‍ക്ക് അവാര്‍ഡുകള്‍ സമ്മാനിക്കുമെന്ന് സംഘാടകര്‍ അറിയിച്ചു.
Recent Comments