രാജ്യാന്തര ചലച്ചിത്ര മേളയില്‍ ഇക്കുറി പ്രദര്‍ശനത്തിന് എത്തുന്നത് 26 മലയാള ചിത്രങ്ങള്‍. മത്സര വിഭാഗത്തില്‍ മൂന്ന് മലയാള ചിത്രങ്ങളാണുള്ളത്. നിഷിദ്ധോ, ആവാസ വ്യൂഹം, കള്ളനോട്ടം. 2020 ല്‍ മികച്ച മലയാള ചിത്രത്തിനുള്ള ദേശീയ പുരസ്‌കാരം നേടിയ ചിത്രമാണ് രാഹുല്‍ റിജി നായരുടെ കള്ള നോട്ടം. ഈ മൂന്ന് ചിത്രങ്ങളുടെയും ആദ്യ പ്രദര്‍ശനമാണ് നടക്കുന്നത്.
ജിയോ ബേബിയുടെ ദി ഗ്രേറ്റ് ഇന്ത്യന്‍ കിച്ചന്‍, മാര്‍ട്ടിന്‍ പ്രക്കാട്ടിന്റെ നായാട്ട്, ഉദ്ധരണി, അവനോവിലോന, ബനേര്‍ ഘട്ട, പ്രാപ്പേട, ചവിട്ട്, സണ്ണി, എന്നിവര്‍, നിറയെ തത്തകളുള്ള മരം, ആര്‍ക്കറിയാം, വുമണ്‍ വിത്ത് എ മൂവി ക്യാമറ എന്നീ ചിത്രങ്ങളാണ് മലയാള സിനിമ ഇന്ന് എന്ന വിഭാഗത്തില്‍ പ്രദര്‍ശിപ്പിക്കുന്നത്.
നടന്‍ നെടുമുടി വേണുവിന് ആദരമര്‍പ്പിച്ച് തമ്പ്, ആരവം, അപ്പുണ്ണി തുടങ്ങിയ ഏഴു ചിത്രങ്ങളാണ് മേളയില്‍ പ്രദര്‍ശിപ്പിക്കുന്നത്. കെപിഎസി ലളിത, പി. ബാലചന്ദ്രന്‍, മാടമ്പ് കുഞ്ഞുകുട്ടന്‍, ഡെന്നിസ് ജോസഫ് എന്നീ പ്രതിഭകളോടുള്ള ആദരമായി ഓരോ മലയാള ചിത്രങ്ങളും മേളയില്‍ പ്രദര്‍ശിപ്പിക്കും.
അനശ്വര പ്രതിഭ ജി. അരവിന്ദന്റെ കുമ്മാട്ടി റീഡിസ്‌കവറിങ് ദി ക്ലാസിക് വിഭാഗത്തിലാണ് പ്രദര്‍ശിപ്പിക്കുന്നത്.
Recent Comments