മമ്മൂട്ടി കേണല്‍ മഹാദേവനായി എത്തുന്ന മാസ്സ് ആക്ഷന്‍ ചിത്രമാണ് ഏജന്റ്. ചിത്രത്തിന്റെ പ്രചരണാര്‍ത്ഥം ഇന്ന് കോഴിക്കോട് എ.ആര്‍.സി കോര്‍ണേഷന്‍ തിയേറ്ററില്‍ മമ്മൂട്ടിയുടെ അന്‍പതു അടി ഉയരമുള്ള കട്ട്ഔട്ട് സ്ഥാപിച്ചു. ഏജന്റിന്റെ കേരളത്തിലെ വിതരണക്കാര്‍ യൂലിന്‍ പ്രൊഡക്ഷന്‍സാണ് കട്ട്ഔട്ട് സ്ഥാപിച്ചത്. ചടങ്ങില്‍ യൂലിന്‍ പ്രൊഡക്ഷന്‍സ് സാരഥികളായ അഖില്‍ മുരളി, ആഷിക് മുരളി, ഓള്‍ കേരള മമ്മൂട്ടി ഫാന്‍സ് അസോസിയേഷന്‍ അംഗങ്ങളും പങ്കെടുത്തു.
തെലുങ്കിലെ യുവതാരം അഖില്‍ അഖിനേനിയും മമ്മൂട്ടിയും ആദ്യമായി ഒരുമിക്കുന്ന ചിത്രമാണ് ഏജന്റ്. ഒരു അഭിമുഖത്തില്‍ അഖില്‍ അഖിനേനി മമ്മൂട്ടിയെക്കുറിച്ച് പറഞ്ഞ കാര്യങ്ങള്‍ ഇപ്പോള്‍ സോഷ്യല്‍മീഡിയയില്‍ വൈറലാണ്.
‘ഏജന്റില്‍ റോ ചീഫ് ആയി മമ്മൂട്ടി സാറാണ് അഭിനയിക്കുന്നത്. അദ്ദേഹത്തിന്റെ ടീമംഗമാണ് ഞാനും. അദ്ദേഹവുമായി ഒരുമിച്ചുള്ള ഒരുപാടു ആക്ഷന്‍ സീനുകള്‍ ഉള്ള ചിത്രമാണ് ഏജന്റ്’ അഖില്‍ അഖിനേനി പറഞ്ഞു.
സുരേന്ദര്‍ റെഡ്ഡി രചനയും സംവിധാനവും നിര്‍വ്വഹിക്കുന്ന ചിത്രം ഏപ്രില്‍ 28 ന് തീയേറ്ററുകളില്‍ പ്രദര്‍ശനത്തിനെത്തും. പിആര്‍ഒ പ്രതീഷ് ശേഖര്‍.
Recent Comments