നാനി വന്നത് വെറുതെ പോകാനല്ല. ജനമനസ്സുകള്‍ കീഴടക്കി ബോക്സ് ഓഫീസ് റെക്കോര്‍ഡുകള്‍ തൂത്തുവാരാന്‍ തയ്യാറായി തന്നെയാണ്. ലോകമെമ്പാടും ദസറ വന്‍ സ്വീകരണം നേടുകയാണ്. അതിന്റെ ആദ്യ തെളിവുകള്‍ പുറത്തുവരുകയാണ്.
മൂന്ന് ദിവസങ്ങള്‍ കൊണ്ട് 71 കോടി രൂപയാണ് ലോകമെമ്പാടും ബോക്സ് ഓഫീസില്‍ നിന്ന് ദസറ സ്വന്തമാക്കിയിരിക്കുന്നത്. 100 കോടി ക്ലബ്ബിലേക്ക് കടക്കാന്‍ പോകുന്ന ചിത്രം ചരിത്രറെക്കോര്‍ഡ് നേട്ടമാണ് സ്വന്തമാക്കാന്‍ പോകുന്നത്.
ശനിയാഴ്ച രാത്രി 9 മണിവരെയുള്ള കണക്കുകള്‍ പ്രകാരം USAല്‍ നിന്ന് മാത്രം 12 കോടിയിലധികം രൂപ ബോക്സ് ഓഫീസില്‍നിന്ന് സ്വന്തമാക്കിക്കഴിഞ്ഞു. ഏറ്റവും കൂടുതല്‍ കളക്ഷന്‍ കിട്ടിയ നാനി ചിത്രമായി ദസറ USA ല്‍ മാറി കഴിഞ്ഞു. റിലീസ് ദിവസമായ വെള്ളിയാഴ്ചയെക്കാള്‍ ശനിയാഴ്ച കൂടുതല്‍ ആളുകള്‍ തീയേറ്ററിലേക്ക് എത്തുകയും ചെയ്തു. നോര്‍ത്ത് ഇന്ത്യയിലും ചിത്രം വന്‍ റെക്കോര്‍ഡുകള്‍ സ്വന്തമാക്കി മുന്നേറുകയാണ്.
എസ്എല്‍വി സിനിമാസിന്റെ ബാനറില്‍ സുധാകര്‍ ചെലുകുരിയാണ് ചിത്രം നിര്‍മ്മിച്ചിരിക്കുന്നത്. ദസറയുടെ രചനയും സംവിധാനവും നിര്‍വഹിച്ചിരിക്കുന്നത് ശ്രീകാന്ത് ഒഡേലയാണ്. കീര്‍ത്തി സുരേഷ്, ദീക്ഷിത് ഷെട്ടി, സമുദ്രക്കനി, ജാന്‍സി, സായ് കുമാര്‍ എന്നിവരും ചിത്രത്തില്‍ മറ്റ് കഥാപാത്രങ്ങളെ അവതരിപ്പിക്കുന്നു. മാസ് ഇമോഷന്‍ ചിത്രമായ ദസറ നാനിയുടെ ഏറ്റവും വലിയ ഹിറ്റായി മാറിയിരിക്കുകയാണ്.
Recent Comments