ഇന്ദ്രജിത്ത്, റോഷന്‍ മാത്യു, അന്ന ബെന്‍ എന്നിവരെ പ്രധാന കഥാപാത്രങ്ങളാക്കിയ വൈശാഖിന്റെ ‘നൈറ്റ് ഡ്രൈവി’ന്റെ ചിത്രീകരണം ഇന്ന് തുടങ്ങുന്നു.
മമ്മൂട്ടി നായകനായി 2019 ല്‍ പുറത്തിറങ്ങിയ മധുരരാജയ്ക്ക് ശേഷം വൈശാഖ് സംവിധാനം ചെയുന്ന ചിത്രമാണ് നൈറ്റ് ഡ്രൈവ്. ചിത്രത്തിന്റെ ടൈറ്റില്‍ പോസ്റ്റര്‍ സംവിധായകന്‍ പുറത്തു വിട്ടു.
പ്രിയ വേണുവും നീതാ പിന്റോയും ചേര്‍ന്നാണ് നൈറ്റ് ഡ്രൈവ് നിര്‍മ്മിക്കുന്നത്. അഭിലാഷ് പിളളയുടേതാണ് തിരക്കഥ. കപ്പേളയുടെ വിജയത്തിനുശേഷം റോഷന്‍ മാത്യുവും അന്ന ബെന്നും ഒന്നിക്കുന്നവെന്ന പ്രത്യേകതയും ഈ ചിത്രത്തിനുണ്ട്.
ഛായാഗ്രഹണം ഷാജി കുമാര്‍, എഡിറ്റര്‍-സുനില്‍.എസ്.പിളള, പ്രൊഡക്ഷന്‍ കണ്‍ട്രോളര്‍- സതീഷ് കാവില്‍ക്കോട്ട, സംഗീത സംവിധാനം-രഞ്ജിന്‍ രാജ്, വരികള്‍- മുരുകന്‍ കാട്ടാക്കട.
Recent Comments