ഗ്രേറ്റ് ഫാദറിനും മിഖാേയലിനും ശേഷം ഫനീഫ് അദേനി ഒരുക്കുന്ന പുതിയ ചിത്രത്തില്‍ സുരേഷ്‌ഗോപി നായകനാകുന്നു. ഇതുമായി ബന്ധപ്പെട്ട ചര്‍ച്ചകള്‍ നടന്നുവരികയാണ്. ആന്റോജോസഫാണ് ചിത്രം നിര്‍മ്മിക്കുന്നത്.
ആദ്യഘട്ട ചര്‍ച്ചയില്‍തന്നെ കഥ സുരേഷ്‌ഗോപിക്ക് ഇഷ്ടമായിരുന്നു. സിനിമ ചെയ്യാമെന്ന് സമ്മതിക്കുകയും ചെയ്തു. ഒരു പോലീസ് ഇന്‍വെസ്റ്റിഗേഷന്‍ സ്‌റ്റോറിയാണെന്നാണ് അറിയാന്‍ കഴിയുന്നത്.
ഗ്രേറ്റ്ഫാദറായിരുന്നു ഹനീഫ് അദേനി തിരക്കഥയെഴുതി സംവിധാനം ചെയ്ത ആദ്യചിത്രം. മമ്മൂട്ടി, ആര്യ, സ്‌നേഹ, അനിഘ എന്നിവര്‍ പ്രധാനകഥാപാത്രങ്ങളെ അവതരിപ്പിച്ച സിനിമയായിരുന്നു. ആഗസ്റ്റ് സിനിമാസായിരുന്നു അതിന്റെ നിര്‍മ്മാതാക്കള്‍. ഗ്രേറ്റ്ഫാദറിനുശേഷം എബ്രഹാമിന്റെ സന്തതികള്‍ എന്ന ചിത്രത്തിനുവേണ്ടി കഥയെഴുതിയതും ഹനീഫ് അദേനിയായിരുന്നു. തുടര്‍ന്നാണദ്ദേഹം മിഖായേല്‍ തിരക്കഥയെഴുതി സംവിധാനം ചെയ്തത്. നിവിന്‍പോളിയും ഉണ്ണിമുകുന്ദനുമായിരുന്നു പ്രധാന വേഷക്കാര്‍. മിഖായേല്‍ നിര്‍മ്മിച്ചതും ആന്റോജോസഫിന്റെ നിര്‍മ്മാണകമ്പനിയായിരുന്നു.
Recent Comments