ട്വല്‍ത്ത്മാന്‍ പാക്കപ്പായി, അതും ഇന്ന് രാവിലെ. രാഹുല്‍ മാധവും ചന്ദുനാഥും മാത്രമേ അവസാനദിനത്തില്‍ താരങ്ങളായി ഉണ്ടായിരുന്നുള്ളൂ. ഇന്നലെ മോഹന്‍ലാല്‍ അടക്കമുള്ള താരങ്ങള്‍ അവരുടെ ഭാഗങ്ങള്‍ പൂര്‍ത്തിയാക്കി വീട്ടിലേയ്ക്ക് മടങ്ങിയിരുന്നു.
രണ്ട് സീനുകള്‍ ഒഴിച്ച് ബാക്കിയെല്ലാം നൈറ്റ് സീനുകളായിരുന്നു. വൈകുന്നേരം തുടങ്ങി പിറ്റേന്ന് വെളുകുവോളം ഷൂട്ടിംഗ് നീണ്ടു. കാലാവസ്ഥ പലപ്പോഴും പ്രതികൂലമായിരുന്നു. ഇടയ്ക്കിടെ എത്തിയ മഴയും അപ്രതീക്ഷിതമായി എത്തുന്ന കോടമഞ്ഞും ഷൂട്ടിംഗിനെ തടസ്സപ്പെടുത്തി. എന്നിട്ടും നേരത്തേ പ്ലാന്‍ ചെയ്തതില്‍നിന്ന് മൂന്ന് ദിവസം മാത്രമേ അധികം വേണ്ടിവന്നുള്ളൂ.
എറണാകുളത്തേയ്ക്ക് മടങ്ങിയ മോഹന്‍ലാല്‍ നാളെ (ഒക്ടോബര്‍ 5) ഷാജികൈലാസ് ചിത്രത്തില്‍ ജോയിന്‍ ചെയ്യും. നിലവില്‍ താരങ്ങളില്ലാത്ത രംഗങ്ങള്‍ ഷൂട്ട് ചെയ്തുകൊണ്ടിരിക്കുകയാണ്. എല്ലാം പാസ്സിംഗ് ഷോട്ടുകളാണ്. നാളെ ലാല്‍ ജോയിന്‍ ചെയ്യുന്നതോടെ ഷൂട്ടിംഗ് ഏലൂരുള്ള വിവിഎം സ്റ്റുഡിയോയിലേയ്ക്ക് മാറും. ചിത്രത്തിന്റെ പ്രധാന പോര്‍ഷനുകളെല്ലാം ചിത്രീകരിക്കുന്നത് ഇവിടെയാണ്.
Recent Comments