മാപ് ഫിലിം ഫാക്ടറി നിര്‍മ്മിച്ച്, പ്രശാന്ത് കാനത്തൂരിന്റെ സംവിധാനത്തില്‍ ഇന്ദ്രന്‍സ് വ്യത്യസ്തമായ വേഷത്തില്‍ എത്തുന്ന സ്റ്റേഷന്‍ 5 എന്ന പുതിയ സിനിമയുടെ ടൈറ്റില്‍ പോസ്റ്റര്‍ തിരക്കഥാകൃത്തുകളും, സംവിധായക-നടന്മാരുമായ രഞ്ജിപണിക്കര്‍, ജോയ് മാത്യു, ഗാനരചയിതാവ് റഫീഖ് അഹമ്മദ് എന്നിവര്‍ ചേര്‍ന്ന് തങ്ങളുടെ ഫേസ് ബുക്ക് പേജിലൂടെ പുറത്തിറക്കി.
ചേവമ്പായി എന്ന ശക്തമായ കഥാപാത്രമാണ് ഇന്ദ്രന്‍സ് ചിത്രത്തില്‍ അവതരിപ്പിക്കുന്നത്. പ്രയാണ്‍ പ്രധാന കഥാപാത്രത്തെ അവതരിപ്പിക്കുന്നു. തൊട്ടപ്പന്‍ ഫെയിം പ്രിയംവദ കൃഷ്ണനാണ് നായിക.ഡയാന ഹമീദും ശ്രദ്ധേയമായ കഥാപാത്രത്തെ അവതരിപ്പിക്കുന്നു. സന്തോഷ് കീഴാറ്റൂര്‍, ശിവജി ഗുരുവായൂര്‍, രാജേഷ് ശര്‍മ്മ, സുനില്‍ സുഖദ, വിനോദ് കോവൂര്‍, ഐ.എം.വിജയന്‍, ദിനേഷ് പണിക്കര്‍, അനൂപ് ചന്ദ്രന്‍, ശിവന്‍ കൃഷ്ണന്‍കുട്ടി നായര്‍, ജെയിംസ് ഏലിയ, മാസ്റ്റര്‍ ഡാവിന്‍ചി, പളനിസാമി, ഷാരിന്‍, ജ്യോതി ചന്ദ്രന്‍, ദേവി കൃഷ്ണ, പ്രിയ ഹരീഷ്, ഗിരീഷ് കാറമേല്‍ എന്നിങ്ങനെ അഭിനേതാക്കളുടെ വലിയൊരു നിര തന്നെ ചിത്രത്തിലുണ്ട്. വാര്‍ത്താപ്രചരണം സി.കെ. അജയ് കുമാര്‍.
Recent Comments