ഒക്ടോബര്‍ 7 നരേന്റ ജന്മദിനമാണ്. നരേന് ജന്മദിന സമ്മാനമായി സംവിധായകന്‍ സുഗീത് സമ്മാനിച്ചത് പുതിയ ചിത്രത്തിന്റെ ടൈറ്റിലും അതില്‍ നരേന് അവതരിപ്പിക്കുന്ന കഥാപാത്രത്തിന്റെ ഫസ്റ്റ് ലുക്ക് പോസ്റ്ററുമാണ്.
കുറള്‍ എന്നാണ് ചിത്രത്തിന്റെ പേര്. അതില്‍ ഓട്ടിസം ബാധിച്ച കഥാപാത്രമായിട്ടാണ് നരേന് എത്തുന്നത്.
Happy birthday brother @itsnarain 😊#KURAL is looking unique and interesting. All the best to the team! pic.twitter.com/slKSwvvq0r
— Actor Karthi (@Karthi_Offl) October 7, 2021
കാര്‍ത്തി തന്റെ ട്വിറ്റര്‍ പേജിലൂടെയാണ് കുറളിന്റെ ടൈറ്റില്‍ അനൗണ്‍സ്‌മെന്റും ഫസ്റ്റ് ലുക്ക് പോസ്റ്ററും പുറത്തുവിട്ടത്. കാര്‍ത്തിയും നരേനും അടുത്ത സുഹൃത്തുക്കളാണ്. ഇരുവരും ഒരുമിച്ച കൈദി കോളിവുഡിലെ സൂപ്പര്‍ഹിറ്റ് ചിത്രങ്ങളിലൊന്നായിരുന്നു. കൈദിക്കുശേഷം നരേന് ചെയ്യുന്ന ചിത്രം കൂടിയാണ് കുറള്‍.
മലയാളിയായ സുഗീത് ആണ് കുറളിന്റെ സംവിധായകന്‍. സുഗീതിന്റെ ആദ്യ തമിഴ്ചിത്രം കൂടിയാണിത്. നരേനെ കൂടാതെ ശ്രിന്ദ ശിവദാസ്, ഫിലിപ്പിനോ താരം ഷെറീസ് സീന്‍, കനിക, ബാല ശരവണന്‍, കലി വെങ്കിട് തുടങ്ങിയവരും ചിത്രത്തില്‍ അഭിനയിക്കുന്നു. നജീം കാദിരിയാണ് നിര്‍മ്മാതാവ്. വിവേക് മേമോന്‍ ഛായാഗ്രാഹണവും നിര്‍വ്വഹിക്കുന്നു.
Recent Comments