ബോളിവുഡ് താരം കജോളിനെ കേന്ദ്ര കഥാപാത്രമാക്കി നടിയും സംവിധായികയുമായ രേവതി ഒരുകുന്ന പുതിയ ചിത്രമാണ് ‘ദി ലാസ്റ്റ് ഹുറേ’ (THE LAST HURRAH). 11 വര്‍ഷത്തെ ഇടവേളയ്ക്ക് ശേഷം രേവതി വീണ്ടും സംവിധാനരംഗത്തേക്ക് എത്തുന്ന ചിത്രമാണിത്.
കാജോള്‍ തന്നെയാണ് ട്വിറ്ററിലൂടെ പുതിയ ചിത്രത്തിന്റെ കാര്യം വെളിപ്പെടുത്തിയത്. ‘വേഗത്തില്‍ തന്നെകൊണ്ട് സമ്മതം മൂളിച്ച ഹൃദയത്തില്‍ തൊടുന്ന ഒരു കഥയാണിത് എന്ന് കാജോള്‍ ട്വീറ്റ് ചെയ്തു. മാത്രമല്ല രേവതിക്കൊപ്പമുള്ള ഒരു ചിത്രവും കാജോള്‍ പങ്കുവച്ചു.
So happy to announce my next film with the super awesome Revathi directing me.. called ‘The Last Hurrah’. A heartwarming story that made me instantly say YES!
Can I hear a “Yipppeee” please?#AshaRevathy @isinghsuraj @Shra2309 @priyankvjain @arorasammeer pic.twitter.com/SBc41Ut9A9— Kajol (@itsKajolD) October 7, 2021
സുജാത എന്ന സ്ത്രീയുടെ കഥയാണ് ചിത്രം പറയുന്നത്. ചിത്രത്തിന്റെ കഥ ആദ്യം ചര്‍ച്ച ചെയ്തപ്പോള്‍ തന്നെ മനസ്സില്‍ വന്നത് കജോളിന്റെ മുഖമാണ്. അവരുടെ ഉത്സാഹം ജനിപ്പിക്കുന്ന കണ്ണുകളും, മനോഹരമായ ചിരിയും സുജാത എന്ന കഥാപാത്രവുമായി യോജിച്ചവയാണ് രേവതി പറഞ്ഞു.
ബിലൈവ് പ്രൊഡക്ഷന്‍സും ടേക്ക് 23 സ്റ്റുഡിയോസും ചേര്‍ന്നാണ് ചിത്രം നിര്‍മ്മിക്കുന്നത്. രചന സമീര്‍ അറോറ. ചിത്രീകരണം ഉടന്‍ ആരംഭിക്കും.
2002 ല്‍ ശോഭനയെ കേന്ദ്ര കഥാപാത്രമാക്കി രേവതി സംവിധാനം ചെയ്ത ‘മിത്ര് മൈ ഫ്രണ്ട്’ എന്ന ചിത്രത്തിന് മികച്ച ചിത്രത്തിനുള്ള ദേശിയ പുരസ്‌കാരം ലഭിച്ചിരിന്നു. ഫിര്‍ മിലേങ്കെ, മുംബൈ കട്ടിങ്, മലയാളം ആന്തോളജി ചിത്രം കേരള കഫേ എന്നിവയാണ് രേവതി സംവിധാനം ചെയ്ത മറ്റ് ചിത്രങ്ങള്‍.
Recent Comments