സല്‍മാന്‍ ഖാന്‍ നായകനാവുന്ന ആക്ഷന്‍ ത്രില്ലര്‍ ചിത്രമാണ് ‘അന്തിം: ദി ഫൈനല്‍ ട്രൂത്ത്’. സല്‍മാന്‍ ഒരു പഞ്ചാബി പോലീസ് ഓഫീസറായി വേഷമിടുന്ന ചിത്രം
നവംബര്‍ 26 ന് തിയറ്ററുകളില്‍ റിലീസ് ചെയ്യും. നിലവില്‍ ചിത്രത്തിന്റെ പുതിയ പോസ്റ്റര്‍ പുറത്തിറങ്ങിയിരിക്കുകയാണ്.
മഹേഷ് മഞ്ജരേക്കര്‍ സംവിധാനം ചെയ്യുന്ന ഈ ചിത്രത്തില്‍ വില്ലനായി എത്തുന്നത് സല്‍മാന്റെ സഹോദരീ ഭര്‍ത്താവ് ആയുഷ് ശര്‍മ്മയാണ്. ഒരു ഗ്യാങ്സ്റ്ററായാണ് ആയുഷ് ശര്‍മ്മ ചിത്രത്തില്‍ എത്തുന്നത്.
ഭൂമാഫിയയെയും ഗുണ്ടാസംഘങ്ങളെയും ചെറുത്ത് നില്‍ക്കാന്‍ ശ്രമിക്കുന്ന ഒരു കരുത്തുറ്റ പോലീസ് കഥാപാത്രത്തെയാണ് സല്‍മാന്‍ ഖാന്‍ കൈകാര്യം ചെയ്യുന്നത്.
മറാത്തി ചിത്രം ‘മുള്‍ഷി പാട്ടേണ്‍’ എന്ന പ്രവീണ്‍ ടാര്‍ഡെ ചിത്രത്തെ അവലംബിച്ചാണ് സിനിമ ഒരുകിയിരിക്കുന്നത്. സല്‍മാന്‍ ഖാന്‍ ഫിലിംസിന്റെ ബാനറില്‍ സല്‍മാന്‍ ഖാന്‍ തന്നെയാണ് ചിത്രം നിര്‍മ്മിക്കുന്നത്. ചിത്രത്തില്‍ പ്രഗ്യ ജയ്‌സ്വാള്‍, ജിഷു സെന്‍ഗുപ്ത, നികിതിന്‍ ധീര്‍ തുടങ്ങിയവര്‍ക്കൊപ്പം അതിഥിതാരമായി വരുണ്‍ ധവാനും എത്തുന്നു.
ടൈഗര്‍ 3 ആണ് സല്‍മാന്റേതായി ഒരുങ്ങുന്ന പുതിയ ചിത്രം, കത്രീന കൈഫ് നായികയാകുന്ന ചിത്രത്തില്‍ ഇമ്രാന്‍ ഹാഷമിയാണ് വില്ലന്‍ വേഷത്തില്‍ എത്തുന്നത്. കൂടാതെ ആമിര്‍ ഖാന്‍ ചിത്രം ‘ലാല്‍ സിംഗ് ചന്ത’, ഷാരുഖ് ഖാന്‍ ചിത്രം ‘പത്താന്‍’ എന്നിവയില്‍ അതിഥി വേഷത്തിലും താരം എത്തുന്നു.
Recent Comments