കന്നഡ സൂപ്പര്‍ സ്റ്റാര്‍ കിച്ചാ സുദീപ് നായകനായ് എത്തുന്ന ഏറ്റവും പുതിയ ചിത്രമാണ് കൊട്ടിഗൊബ്ബ 3. ചിത്രം ഒക്ടോബര്‍ 14 ഇന്നലെ റിലീസ് ചെയ്യുമെന്നായിരുന്നു നേരത്തെ അറിയിച്ചത്. എന്നാല്‍ ചിത്രത്തിന്റെ പ്രദര്‍ശനം ഒക്ടോബര്‍ 15 ന് മാറ്റുന്ന വിവരം പ്രൊഡ്യൂസര്‍ സുരപ്പ ബാബു വീഡിയോയിലൂടെ അറിയിക്കുകയയുണ്ടായി. നടന്‍ കിച്ചാസുദീപിനോടും ആരാധകരോടും ക്ഷമ ചോദിച്ചു കൊണ്ടാണ് റിലീസ് മാറ്റിയ വിവരം വ്യാഴാഴ്ച്ച അദ്ദേഹം അറിയിച്ചത്.
എന്നാല്‍ അവസാന നിമിഷം ചിത്രത്തിന്റെ റിലീസ് മാറ്റിയതറിഞ്ഞ ആരാധകര്‍ ക്ഷുഭിതരാകുകയും, സിനിമ പ്രദര്‍ശിപ്പിക്കുവാന്‍ നിശ്ചയിച്ചിരുന്ന വിജയപുരയിലെ ഡ്രീംലാന്‍ഡ് തീയേറ്ററില്‍ വ്യാപക അക്രമം ഉണ്ടാക്കുകയും ചെയ്തു. തുടര്‍ന്ന് പോലീസ് എത്തിയതോടെയാണ് അക്രമാസക്തരായ ആരാധകര്‍ പിരിഞ്ഞുപോയത്. അക്രമികള്‍ തീയേറ്ററിന് നേരെ കല്ലെറിയുകയും ഗെയ്റ്റ് തകര്‍ക്കുകയും ചെയ്തു.
എന്നാല്‍ സംഭവത്തെ അപലപിച്ചുകൊണ്ട് താരം സോഷ്യല്‍ മാധ്യമങ്ങളിലൂടെ പോസ്റ്റ് ഷെയര്‍ ചെയ്തിരുന്നു.
ശിവ കാര്‍ത്തിക് സംവിധാനം ചെയ്ത് ചിത്രത്തിന്റെ രചന നിര്‍വ്വഹിച്ചിരിക്കുന്നത് നായകന്‍ കിച്ച സുദീപ് തന്നെയാണ്. മലയാളി താരം മഡോണ സെബാസ്റ്റ്യന്‍ ആണ് നായിക. 2016 പുറത്തിറങ്ങിയ സുദീപിന്റെ ഹിറ്റ് ചിത്രം കൊട്ടിഗൊബ്ബ 2 ന്റെ തുടര്‍ച്ചയാണ് ഈ ചിത്രം.
Recent Comments