മോഹന്‍ലാല്‍-ഷാജി കൈലാസ് ടീമിന്റെ പുതിയ ചിത്രമാണ് എലോണ്‍. ചിത്രത്തിന്റെ അനൗണ്‍സ്മെന്റ് മുതല്‍ക്കെ വലിയ പ്രേക്ഷകശ്രദ്ധ പിടിച്ച് പറ്റിയിരിക്കുകയാണ്. ഇപ്പോഴിതാ ചിത്രത്തിന്റെ ആകാംഷ ജനിപ്പിക്കുന്ന ഡയലോഗോടെ പുറത്തുവിട്ട ടീസര്‍ വൈറലായിരിക്കുകയാണ്. ‘യഥാര്‍ഥ നായകന്‍മാര്‍ എല്ലായ്‌പ്പോഴും തനിച്ചാണ്’ എന്ന ടാഗ് ലൈന്‍ മോഹന്‍ലാല്‍ ടീസറില്‍ പറയുന്നുണ്ട്.
പന്ത്രണ്ട് വര്‍ഷങ്ങള്‍ക്ക് ശേഷം മോഹന്‍ലാലും ഷാജി കൈലാസും ഒന്നിക്കുന്ന ചിത്രത്തില്‍ മോഹന്‍ലാല്‍ മാത്രമായിരിക്കും കഥാപാത്രമായി എത്തുക എന്നാണ് ടീസറില്‍ നിന്ന് വ്യക്തമാകുന്നത്. അടുത്തിടെ പുറത്തിറങ്ങിയ ചിത്രത്തിന്റെ ബിഹൈന്റ് ദി സീന്‍ വീഡിയോ വലിയ ശ്രദ്ധ പിടിച്ചു പറ്റിയിരുന്നു. കൂടാതെ ചിത്രത്തിലെ മോഹന്‍ലാലിന്റെ പുതിയ ലുക്ക് ഏറെ ചര്‍ച്ചാവിഷയം ആകുകയും ചെയ്തിരുന്നു.
രാജേഷ് കുമാറാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അഭിനന്ദന്‍ രാമാനുജം ഛായാഗ്രാഹണം നിര്‍വ്വഹിക്കുന്നു. ജേക്‌സ് ബിജോയ് ആണ് സംഗീതം. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിക്കുന്നത്.
Recent Comments