ലോകേഷ് കനകരാജ് ഒരുക്കുന്ന ചിത്രമായ ‘വിക്രം’ താര നിര്‍ണ്ണയം കൊണ്ട് തന്നെ വലിയ വാര്‍ത്ത പ്രാധാന്യം നേടിയിരുന്നു. കമല്‍ ഹാസന്‍, ഫഹദ് ഫാസില്‍, വിജയ് സേതുപതി എന്നിവരാണ് കേന്ദ്രകഥാപാത്രങ്ങള്‍. മലയാളത്തില്‍ നിന്ന് ഫഹദിന് പുറമെ കാളിദാസ് ജയറാം, നരേന്‍ എന്നിവരും ചിത്രത്തിലഭിനയിക്കുന്നുണ്ട്. ഇപ്പോഴിതാ ചെമ്പന്‍ വിനോദും വിക്രത്തിന്റെ ഭാഗമാകുകയാണ്. വില്ലന്‍ വേഷത്തിലാണ് ചെമ്പന്‍ എത്തുന്നതെന്നറിയുന്നു. ആദ്യ ഷെഡ്യൂളില്‍ ചെമ്പന്‍ വിനോദും പങ്കെടുത്തിരുന്നു.
‘ഭീമന്റെ വഴി’ ആണ് ചെമ്പന്‍ വിനോദ് പ്രധാന റോളില്‍ എത്തുന്ന അടുത്ത റിലീസ് ചിത്രം. ചെമ്പന്‍ തിരക്കഥ ഒരുക്കിയിരിക്കുന്ന ചിത്രത്തിന്റെ സംവിധായകന്‍ അഷറഫ് ഹംസയാണ്. കുഞ്ചാക്കോ ബോബനാണ് നായകന്‍. ആഷിക് അബു, റിമാ കല്ലിങ്കല്‍, ചെമ്പന്‍ വിനോദ് എന്നിവര്‍ ചേര്‍ന്നാണ് ഭീമന്റെ വഴി നിര്‍മ്മിക്കുന്നത്. ഗിരീഷ് ഗംഗാധരനാണ് ഛായാഗ്രാഹകന്‍.
ഖാലിദ് റഹ്മാന്‍-ടൊവിനോ ചിത്രം തല്ലുമാലയിലും ചെമ്പന്‍ വിനോദ് ശക്തമായ കഥാപാത്രത്തെയാണ് അവതരിപ്പിക്കുന്നത്. ചിത്രം നിര്‍മ്മിക്കുന്നത് ആഷിക് ഉസ്മാനാണ്. കല്യാണി പ്രിയദര്‍ശനാണ് നായിക.
Recent Comments