നാല്‍പ്പത്തൊന്ന് ദിവസത്തെ വ്രതം നോറ്റ് ശബരിമല ശാസ്താവിനെ ദര്‍ശിക്കാന്‍ ഒരുങ്ങുകയാണ് തെലുങ്ക് സൂപ്പര്‍ താരം രാംചരണ്‍. അടുത്തിടെ കണ്ട മിക്ക ഫോട്ടോകളിലും അദ്ദേഹം കറുത്ത വസ്ത്രമാണ് ധരിച്ചിരിക്കുന്നത്.
എസ്.എസ്. രാജമൗലി സംവിധാനം ചെയ്ത് രാംചരണും ജൂനിയര്‍ എന്‍.ടി.ആറും പ്രധാന വേഷങ്ങളിലെത്തുന്ന ചിത്രമാണ് ആര്‍ആര്‍ആര്‍. സിനിമയുടെ പ്രമോഷന്റെ ഭാഗമായി, ചിരഞ്ജീവി ചാരിറ്റബിള്‍ ട്രസ്റ്റ് സംഘടിപ്പിച്ച പരിപാടിയില്‍ രാംചരണ്‍ എത്തിയതും കറുത്ത വേഷവിധാനങ്ങളോടെയായിരുന്നു. താരത്തെ കൂടാതെ ചിരഞ്ജീവി, സുമന്ത്, ചിമ്പു, മഞ്ജു മനോജ്, വിവേക് ഒബ്‌റോയി തുടങ്ങിയ താരങ്ങളും അയ്യപ്പ ദര്‍ശനത്തിനായി തയ്യാറെടുക്കുകയാണ്. വിവേക് ഒബ്‌റോയി ഒരു തികഞ്ഞ അയ്യപ്പഭക്താണ്. മകരവിളക്കിനോടനുബന്ധിച്ച് അദ്ദേഹം പതിവായി ശബരിമല ദര്‍ശം നടത്താറുണ്ട്.
ആര്‍ആര്‍ആര്‍ ന്റെ പ്രൊമോഷന്‍ ഒക്ടോബര്‍ 29 ന് തുടങ്ങാനിരിക്കുകയാണ്. ചിത്രത്തില്‍ അജയ് ദേവ്ഗണ്‍, അലിയാ ഭട്ട്, ഒലിവിയ മോറിസ് എന്നിവരാണ് മറ്റ് താരങ്ങള്‍.
നിലവില്‍ രാംചരണിന്റെ രണ്ട് ചിത്രങ്ങള്‍ അനൗണ്‍സ് ചെയ്തിട്ടുണ്ട്.
ഗൗതം തിന്നാനൂരി സംവിധാനം ചെയ്യുന്ന ബിഗ് ബജറ്റ് ചിത്രവും പ്രശാന്ത് നീല്‍ ഒരുക്കുന്ന പാന്‍ ഇന്ത്യ ചിത്രവുമാണ് താരത്തിന്റതായി ചിത്രീകരണം ആരംഭിക്കാനിരിക്കുന്ന സിനിമകള്‍.
Recent Comments