ദുല്‍ഖറിനെ നായകനാക്കി റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രമാണ് ‘സല്യൂട്ട്’. ഒരു പോലീസ് ഇന്‍വെസ്റ്റിഗേറ്റീവ് ത്രില്ലറായ ചിത്രത്തില്‍ അരവിന്ദ് കരുണാകരന്‍ എന്ന സബ് ഇന്‍സ്‌പെക്ടറുടെ വേഷത്തിലാണ് ദുല്‍ഖല്‍ സല്‍മാന്‍ എത്തുന്നത്. ഇതാദ്യമായിട്ടാണ് ദുല്‍ഖര്‍ പോലീസ് വേഷത്തില്‍ എത്തുന്നത്. ക്രിസ്മസിന് മുന്നോടിയായി ഡിസംബര്‍ 17ന് ചിത്രം തിയറ്ററുകളില്‍ പ്രദര്‍ശിപ്പിക്കാനായിരുന്നു അണിയറക്കാര്‍ ആദ്യം തീരുമാനിച്ചിരുന്നതെങ്കിലും പിന്നീട് റിലീസ് തീയതി മാറ്റുകയായിരുന്നു. ഇപ്പോള്‍ പുതിയ റിലീസ് തീയതി പുറത്തുവന്നിരിക്കുകയാണ്.
‘ഒരു ദൗത്യത്തിലാണ് അരവിന്ദ് കരുണാകരന്‍, സല്യൂട്ട് 2022 ജനുവരി 14ന് തീയേറ്ററില്‍ എത്തും.’ ദുല്‍ഖര്‍ സോഷ്യല്‍ മീഡിയിലൂടെയാണ് വിവരം അറിയിച്ചത്. ദുല്‍ഖറിന്റെ വേ ഫാറെര്‍ ഫിലിംസ് ആണ് ചിത്രം നിര്‍മ്മിക്കുന്നത്.
Aravind Karunakaran is on a mission!! Salute…releasing in theaters worldwide on January 14, 2022.@DianaPenty @DQsWayfarerFilm
@sreekar_prasad @JxBe #RoshanAndrews #BobbySanjay #salutemovie#manojkjayan #gopalaswamylakshmi #saniyaiyappan #binupappu #alencier #VijayKumar pic.twitter.com/yqqPUofqWD
— Dulquer Salmaan (@dulQuer) December 21, 2021
ബോളിവുഡ് നടി ഡയാന പെന്റിയാണ് നായിക. മനോജ് കെ. ജയന്‍, ബിനു പപ്പു, സാനിയ അയ്യപ്പന്‍, ലക്ഷ്മി ഗോപാലസ്വാമി എന്നിവരാണ് മറ്റ് പ്രധാന താരങ്ങള്‍. ബോബി-സഞ്ജയ് ടീമാണ് തിരക്കഥ ഒരുക്കിയിരിക്കുന്നത്. അസ്ലം കെ. പുരയിലാണ് ഛായാഗ്രഹണം. ജെക്സ് ബിജോയാണ് സംഗീതം ഒരുക്കിയിരിക്കുന്നത്.
Recent Comments