രാജ്കുമാര്‍ എസ് രചനയും സംവിധാനവും നിര്‍വ്വഹിക്കുന്ന ചിത്രമാണ് ‘അല്ലി’.സുരാജ് വെഞ്ഞാറമ്മൂടിന്റെ സഹോദരന്‍ സജി വെഞ്ഞാറമ്മൂട് പ്രധാന വേഷത്തിലെത്തുന്ന അല്ലിയുടെ ചിത്രീകരണം പൂര്‍ത്തിയായി.
ഒരു മേസ്തിരിപ്പണിക്കാരന്റെ വേഷത്തിലാണ് സജി വെഞ്ഞാറമ്മൂട് അഭിനയിക്കുന്നത്.
മലയടിവാരത്തുള്ള ഗ്രാമത്തില്‍ താമസിക്കുന്ന മേസ്തിരിയുടെയും മകള്‍ അല്ലിയുടെയും കഥയാണ് ചിത്രം പറയുന്നത്. അല്ലിയായി വേഷമിടുന്നത് അപര്‍ണ്ണ മോഹന്‍ ആണ്. കൂടാതെ നീന കുറുപ്പും ചിത്രത്തില്‍ മറ്റൊരു വേഷത്തില്‍ എത്തുന്നു. ഹൈ ഫൈവ് ഫിലിംസിനു വേണ്ടി എസ്. ശ്രീകുമാര്‍, ഗൗതം രാജ്, ഡോ. അമ്മു ടി. ദീപ് എന്നിവര്‍ ചേര്‍ന്ന് ചിത്രം നിര്‍മ്മിക്കുന്നു.
മുന്‍പ് മിമിക്രി കലാകാരനായിരുന്ന സജി, ഇന്ത്യന്‍ മിലിട്ടറിയില്‍ സേവനം അനുഷ്ഠിച്ചിരുന്നു. മിലിട്ടറിയില്‍നിന്ന് വിരമിച്ച ശേഷം ഇപ്പോള്‍ എസ്ബിഐയില്‍ ജീവനക്കാരനായിരിക്കെയാണ് വീണ്ടും കലാരംഗത്തേക്കു തിരിച്ചു വരുന്നത്. ജോജു ജോര്‍ജ് നായകനായ ‘ഒരു താത്വിക അവലോകനം’ എന്ന സിനിമയില്‍ അഭിനയിച്ചിട്ടുണ്ട്.
Recent Comments