നാല് കഥാപാത്രങ്ങള്‍ മാത്രമുള്ള സസ്‌പെന്‍സ് ത്രില്ലറായിട്ടാണ് ചിത്രം ഒരുക്കിയിരിക്കുന്നത്. ലൈഫ് ഐ.എന്‍.സി, എന്‍ ഫോര്‍ ഫിലിം ഫാക്ടറി എന്നിവയുടെ ബാനറില്‍ നന്ദന്‍ മേനോന്‍ രചനയും സംവിധാനവും നിര്‍വ്വഹിക്കുന്ന ചിത്രത്തിന്റെ 1.13 മിനിറ്റ് ദൈര്‍ഘ്യമുള്ള ട്രെയിലറാണ് അണിയറ പ്രവര്‍ത്തകര്‍ ഇപ്പോള്‍ പുറത്തിറക്കിയിരിക്കുന്നത്. ചൂടന്‍ ഗ്ലാമര്‍- ആക്ഷന്‍ രംഗങ്ങള്‍ കോര്‍ത്തിണക്കിയാണ് ചിത്രം ഒരുക്കിയിരിക്കുന്നതെന്ന സൂചനകളാണ് ട്രെയിലറിലെ ഉള്ളടക്കം. ഒരു രാത്രി ഒരു വീടിനുള്ളില്‍ സംഭവിക്കുന്ന ആകാംക്ഷാഭരിതമായ സംഭവങ്ങളാണ് ചിത്രത്തിന്റെ ഇതിവൃത്തം.
നീനയുടേയും, സന്ദീപിന്റെയും ജീവിതത്തിലേയ്ക്ക് നവീന്‍ എന്ന ചെറുപ്പക്കാരന്‍ കടന്നുവരുന്നതോടെ നടക്കുന്ന അപ്രതീക്ഷിത നിമിഷങ്ങളാണ് സിനിമയുടെ ഹൈലൈറ്റ്.
നിന്‍സി സേവ്യര്‍, സൂര്യലാല്‍, അഖില്‍ എസ്. കുമാര്‍, അനീഷ് ആനന്ദ് എന്നിവരാണ് അഭിനേതാക്കള്‍. ശശി നാരായണ്‍ ഛായാഗ്രഹണവും ഫിലോസ് പീറ്റര്‍ എഡിറ്റിങ്ങും നിര്‍വഹിക്കുന്നു. കലാസംവിധാനം ബിജു മാധവ്, ചീഫ് അസോസിയേറ്റ് ഡയറക്ടര്‍ ഹരീഷ് പാലപ്പുഴ, പ്രൊഡക്ക്ഷന്‍ കണ്‍ട്രോളര്‍ സിജു ചക്കുംമൂട്ടില്‍, കുങ്ഫു സജിത്താണ് ആക്ഷന്‍ കോറിയോഗ്രാഫി ഒരുക്കിയിരിക്കുന്നത്.
ഓഡിയോ ഡിസൈനിങ്ങും ബീജിഎമ്മും ബിനോയി ജോസഫിന്റേതാണ്. ചമയം സുധി കട്ടപ്പന, വസ്ത്രാലങ്കാരം ജെസി എബ്രഹാം. ഗാനരചന : ബിജു കമലും, സംഗീതം: രാജേഷ് സാംസ്, മനു നാരായണന്‍ എന്നിവരും നിര്‍വഹിച്ചിരിക്കുന്നു. സ്റ്റില്‍സ് അനുമോദ്, പോസ്റ്റര്‍ ഡിസൈന്‍, റിയോ മീഡിയ ഹബ്ബ്, വാര്‍ത്താ പ്രചരണം; കാസറ്റ് കമ്പനി. ജനുവരി ഏഴിന് ലൈംലൈറ്റ് ഒ.ടി.ടി പ്ലാറ്റ് ഫോമിലൂടെയാണ് ചിത്രം പ്രേക്ഷകരിലേക്കെത്തുന്നത്.
Recent Comments