സന്തോഷ് മണ്ടൂര്‍ തിരക്കഥ രചിച്ച് സംവിധാനം ചെയ്യുന്ന ചിത്രമാണ് ബുള്ളറ്റ് ഡയറീസ്. ചിത്രത്തിന്റെ ഷൂട്ടിംഗ് ജനുവരി 15 ന് ആരംഭിക്കും. കരുവഞ്ചാലും ആലക്കോടുമാണ് പ്രധാന ലൊക്കേഷനുകള്‍.
ധ്യാന്‍ ശ്രീനിവാസനും പ്രയാഗാ മാര്‍ട്ടിനും കേന്ദ്രകഥാപാത്രങ്ങളെ അവതരിപ്പിക്കുന്നത്. ഒരേമുഖത്തിനുശേഷം ഇരുവരും ഒന്നിക്കുന്ന ചിത്രംകൂടിയാണിത്. രഞ്ജി പണിക്കര്‍, ജോണി ആന്റണി, സലിം കുമാര്‍, ആന്‍സണ്‍ പോള്‍, അല്‍ത്താഫ് സലിം, ശീകാന്ത് മുരളി, കോട്ടയം പ്രദീപ്, ശ്രീലഷ്മി, മനോഹരി, നിഷാ സാരംഗ് എന്നിവരും താരനിരയിലുണ്ട്.
കണ്ണര്‍ ജില്ലയിലെ ഒരു മലയോര ക്രൈസ്തവ കുടുംബാഗമാണ് രാജു ജോസഫ്. അയാളുടെ ക്രെയ്‌സ് മുഴുവനും ബൈക്കുകളോടാണ്. ബൈക്കും യുവാവും തമ്മിലുള്ള ആത്മബന്ധമാണ് ചിത്രത്തിന്റെ കാതലായ വിഷയവും. ഇതിനിടെ സംഭവിക്കുന്ന ചില നാടകീയ മുഹൂര്‍ത്തങ്ങളാണ് ചിത്രത്തെ ഉദ്വേഗഭരിതമാക്കുന്നത്. രാജു ജോസഫിനെ അവതരിപ്പിക്കുന്നത് ധ്യാന്‍ ശ്രീനിവാസനാണ്.
കൈതപ്രം, റഫീഖ് അഹമ്മദ് എന്നിവരുടെ വരികള്‍ക്ക് ഷാന്‍ റഹ്മാന്‍ ഈണം പകര്‍ന്നിരിക്കുന്നു. ഫൈസല്‍ അലിയാണ് ഛായാഗ്രാഹകന്‍. എഡിറ്റര്‍ രഞ്ജന്‍ എബ്രഹാം. കലാസംവിധാനം അജയന്‍ മങ്ങാട്, കോസ്റ്റ്യും ഡിസൈന്‍ സമീറാസനീഷ, മേക്കപ്പ് രഞ്ജിത്ത് അമ്പാടി, പ്രൊജക്ട് ഡിസൈനര്‍ അനില്‍ അങ്കമാലി. വാര്‍ത്താപ്രചരണം വാഴൂര്‍ ജോസ്.
ബി ത്രീ എം. ക്രിയേഷന്‍സിന്റെ ബാനറിലാണ് ബുള്ളറ്റ് ഡയറീസ് നിര്‍മ്മിക്കുന്നത്.
Recent Comments