താരപ്രഭയില്‍ ഉദിച്ചു നില്‍ക്കേ അപ്രതീക്ഷിതമായി വിട്ടുപിരിഞ്ഞു പോയ സൂപ്പര്‍ താരമാണ് പുനീത് രാജ് കുമാര്‍. പുനീത് നായകനായി എത്തുന്ന ജെയിംസ് എന്ന ചിത്രത്തിന്റെ സ്‌പെഷ്യല്‍ പോസ്റ്റര്‍ റിപ്പബ്ലിക് ദിനത്തില്‍ പുറത്ത് വിട്ടിരിക്കുയാണ് ചിത്രത്തിന്റ അണിയറക്കാര്‍. പുനീതിന്റെ അവസാന പ്രൊജക്റ്റുകളില്‍ പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ജെയിംസ്. ചിത്രത്തില്‍ പുനീതിന്റെ സഹോദരന്മാരായ ശിവരാജ് കുമാറും രാഘവേന്ദ്ര രാജ്കുമാറും ഗസ്റ്റ് അപ്പിയറന്‍സില്‍ എത്തുന്നു എന്ന പ്രത്യേകതയും ചിത്രത്തിനുണ്ട്.
ചിത്രത്തില്‍ പട്ടാള വേഷത്തിലാണ് പുനീത് എത്തുന്നത്. ജെയിംസ് ഒരു ആക്ഷന്‍ എന്റര്‍ടൈനര്‍ ആയിരിക്കും എന്ന് സംവിധായകന്‍ ചേതന്‍ കുമാര്‍ പറഞ്ഞിരുന്നു. കിഷോര്‍ പതികൊണ്ട നിര്‍മ്മിക്കുന്ന ഈ ചിത്രത്തില്‍ പ്രിയ ആനന്ദ്, മേഘ ശ്രീകാന്ത്, അനു പ്രഭാകര്‍ മുഖര്‍ജീ തുടങ്ങിയവരും അഭിനയിക്കുന്നു.
‘ജെയിംസ്’ പുനീത് രാജ് കുമാറിന്റ പിറന്നാള്‍ ദിനമായ മാര്‍ച്ച് 17 ന് റിലീസ് ചെയ്യാനാണ് അണിയറക്കാര്‍ പദ്ധതിയിടുന്നത്. താരത്തിന് ആദരസൂചകം മാര്‍ച്ച് 17 മുതല്‍ 23 വരെ മറ്റ് ചിത്രങ്ങള്‍ റിലീസ് ചെയുകയില്ല എന്ന് തീരുമായിച്ചിട്ടിക്കുകയാണ് കന്നഡ സിനിമ ലോകം.
കൂടാതെ പുനീതിന്റെ സ്വപ്ന പ്രൊജക്റ്റായ ‘ഗന്ധഡ ഗുഡി’ എന്ന ഡോക്കുമെന്ററി ചിത്രവും ഈ വര്‍ഷം തീയേറ്ററുകളില്‍ റിലീസിന് ഒരുങ്ങുകയാണ്. പിഎസ്ആര്‍ പ്രോഡക്ഷന്‍സും മൂഡ്‌സ്‌കിപ്പറും ചേര്‍ന്ന് അവതരിപ്പിക്കുന്ന ചിത്രം ‘അസ്വിനി പുനീത് രാജ് കുമാറാണ് നിര്‍മ്മിക്കുന്നത്. ജെ.എസ്. അമോഗവര്‍ഷയാണ് ചിത്രം സംവിധാനം ചെയ്യുന്നത്.
Recent Comments