ബോളിവുഡ് നടനും നിര്‍മ്മാതാവുമായ അമിതാഭ് ദയാല്‍ ഹൃദയസ്തംഭനം മൂലം കഴിഞ്ഞ ദിവസമായിരുന്നു മരണത്തിന് കീഴടങ്ങിയത്. ഭാര്യ മൃണാളിനി പാട്ടീലായിരുന്നു ഈ വിവരം മാധ്യമങ്ങളോട് പറഞ്ഞത്. ബുധനാഴ്ച്ച രാവിലെ 4.30-ന് മുംബൈയിലെ വസതിയിലായിരുന്നു അദ്ദേഹത്തിന്റെ അന്ത്യം.
ജനുവരി 17-ന് ഹൃദയസ്തംഭനം ഉണ്ടായതിനെത്തുടര്‍ന്ന് ദിവസങ്ങളോളം ആശുപത്രിയില്‍ ചികിത്സയിലായിരുന്നു. ഇതിനിടയില്‍ അദ്ദേഹത്തിന് കോവിഡ് ബാധിക്കുകയും സുഖപ്പെടുകയും ചെയ്തിരുന്നു. ആശുപത്രിയില്‍ ചികിത്സയിലിരിക്കെ അമിതാഭ് ദയാല്‍ പോസ്റ്റ് ചെയ്ത വീഡിയോ അദ്ദേഹത്തിന്റെ മരണശേഷം ഇപ്പോള്‍ ശ്രദ്ധ നേടുകയാണ്.
‘മരണത്തോട് പൊരുതുന്നത് ഒരിക്കലും എളുപ്പമല്ല. പക്ഷേ നിങ്ങളുടെ ഭയത്തോട് പൊരുതുന്നത് എളുപ്പമാണ്’ എന്ന് അദ്ദേഹം തന്റെ അവസാന വീഡിയോയില്‍ പറയുന്നു.
‘വിരുദ്ധ്’ എന്ന ചിത്രത്തില്‍ അമിതാഭ് ബച്ചനൊപ്പം അഭിനയിച്ചിട്ടുണ്ട്. ‘കാഗര്‍’, ‘രംഗാദ്രി’ തുടങ്ങിയവയാണ് അമിതാഭ് ദയാലിന്റെ മറ്റു ചിത്രങ്ങള്‍.
സംസ്‌കാരം മുംബൈയില്‍ നടക്കും. ഛത്തീസ്ഗഢില്‍നിന്നുള്ള ബന്ധുക്കള്‍ മുംബൈയില്‍ എത്തിയാല്‍ അന്ത്യകര്‍മങ്ങള്‍ നടക്കുമെന്ന് മൃണാളിനി പാട്ടീല്‍ പറഞ്ഞു. ഒരു മകളുണ്ട്.
Recent Comments