ശ്യാം സിങ്കറോയ് എന്ന വമ്പന്‍ ഹിറ്റ് ചിത്രത്തിനുശേഷം നാനിയുടെ അടുത്ത സിനിമയും വാര്‍ത്താപ്രാധാന്യം നേടിയെടുക്കുകയാണ്. ഇക്കുറി താരത്തിന്റെ വരവ് നസ്രിയും ഒന്നിച്ചാണ്. ഒരു ഇടവേളയ്ക്കുശേഷം നസ്രിയ വീണ്ടും സിനിമയില്‍ സജീവമാവുകയാണ്. നാനിയുടെ നായികയായി അണ്‍ട്ടെ സുന്ദരാനികി എന്ന ചിത്രത്തിലൂടെയാണ് നസ്രിയയുടെ തെലുങ്കിലെ അരങ്ങേറ്റം.
ഒരു റൊമാന്റിക് കോമഡി എന്റര്‍ടെയിനറായ ചിത്രം ജൂണ്‍ 10ന് റിലീസ് ചെയ്യും. വിവേക് അത്രേയ് സംവിധാനം ചെയ്യുന്ന ചിത്രം നിര്‍മ്മിക്കുന്നത് മൈത്രി മൂവി മേക്കേര്‍സാണ്.
ഫഹദ് നായകനായി 2020ല്‍ റിലീസ് ചെയ്ത ‘ട്രാന്‍സി’ന് ശേഷമുള്ള നസ്രിയയുടെ സിനിമയാണ് ‘അണ്ടേ സുന്ദരാനികി’. ചിത്രത്തിന്റെ ഷൂട്ടിനായി നസ്രിയയും ഫഹദും ഹൈദരാബാദിലേക്ക് പോയത് വാര്‍ത്തകളില്‍ നിറഞ്ഞിരുന്നു.
ചിത്രത്തില്‍ രോഹിണിയും പ്രധാന വേഷത്തിലെത്തുന്നുണ്ട്. കഴിഞ്ഞ ദിവസം റിലീസ് ചെയ്ത ചിത്രത്തിന്റെ ടീസറിന് മികച്ച പ്രതികരണമാണ് ലഭിക്കുന്നത്. ഒരു ദിവസം കൊണ്ട് 17 ലക്ഷത്തിലധികം കാഴ്ചക്കാരെ നേടിക്കഴിഞ്ഞു. നാനിയുടെ 28മത് ചിത്രം കൂടിയാണ് ‘അണ്‍ട്ടെ സുന്ദരാനികി’.
Recent Comments