ഏഷ്യനെറ്റിലെ മെഗാ ഹിറ്റ് ഷോയായ ബിഗ്‌ബോസിന്റെ നാലാം സീസണിനുള്ള ഒരുക്കങ്ങള്‍ ആരംഭിച്ചു. ഇതിന് മുന്നോടിയായി ഷോയുടെ ടൈറ്റില്‍ വീഡിയോയും പുറത്തിറക്കി. മാര്‍ച്ച് അവസാനം ബിഗ് ബോസ് നാലാം സീസണിന് തുടക്കമാവും. മോഹന്‍ലാലാണ് അവതാരകനായി എത്തുന്നത്. ഇത് സംബന്ധിച്ച് ലാലുമായി അന്തിമ കരാര്‍ ഒപ്പിട്ടതായി അറിയുന്നു. കഴിഞ്ഞ മൂന്നു സീസണുകളിലേയും അവതാരകന്‍ ലാലായിരുന്നു.
ഇത്തവണ ബിഗ് ബോസ് ഹൗസ് മുംബയിലേയ്ക്ക് മാറും. കഴിഞ്ഞ മൂന്ന് സീസണുകളും ഷൂട്ട് ചെയ്തത് ചെന്നൈയിലായിരുന്നു. എന്നാല്‍ ബിഗ്‌ബോസ് തമിഴ് പതിപ്പിന്റെ ഷൂട്ടിംഗ് നിലവില്‍ ചെന്നൈയില്‍ പുരോഗമിച്ചുകൊണ്ടിരിക്കുകയാണ്. ചിമ്പുവാണ് അവതാരകന്‍. കഴിഞ്ഞ മൂന്ന് സീസണുകളിലെ ഫൈനലിസ്റ്റുകളെയും ജനപ്രിയ മത്സരാര്‍ത്ഥികളെയും പങ്കെടുപ്പിച്ചുകൊണ്ടാണ് ഹോട്ട്‌സ്റ്റാറിനുവേണ്ടിയുള്ള തമിഴ് പതിപ്പിന്റെ ഷൂട്ടിംഗ് പുരോഗമിക്കുന്നത്. അതുകൊണ്ടാണ് മലയാളം ബിഗ്‌ബോസ് ഹൗസ് മുംബയിലേയ്ക്ക് മാറ്റാന്‍ തീരുമാനിച്ചതും.
ബിഗ് ബോസ് നാലാം സീസണിലും പുതിയ മത്സരാര്‍ത്ഥികളെതന്നെയാണ് അവതരിപ്പിക്കുന്നത്. ഇതിനുവേണ്ടിയുള്ള ഓഡിഷനുകളും വൈകാതെ തുടങ്ങും.
Recent Comments