2022 ല്‍ പ്രേക്ഷകര്‍ ഏറ്റവുമധികം കാത്തിരിക്കുന്ന ചിത്രമാണ് വിക്രം. കമല്‍ഹാസന്‍, വിജയ് സേതുപതി, ഫഹദ് ഫാസില്‍ എന്നിവര്‍ ആദ്യമായി ഒന്നിക്കുന്ന ചിത്രത്തിന്റെ മേക്കിങ് വീഡിയോ അണിയറക്കാര്‍ പുറത്ത് വിട്ടിരിക്കുകയാണ്. ‘ബിഗ് ആക്ട്’, ‘ബിഗ് ആക്ഷന്‍’ എന്ന ടാഗോടെ തുടങ്ങുന്ന മേക്കിങ് വീഡിയോയില്‍ ചിത്രത്തിന്റെ റിലീസ് തീയതിയും പ്രഖ്യാപിച്ചിട്ടുണ്ട്. ജൂണ്‍ 3 നാണ് ചിത്രം തിയേറ്ററുകളില്‍ എത്തുക. കൈതി, മാസ്റ്റര്‍ എന്നീ ചിത്രങ്ങള്‍ക്ക് ശേഷം ലോകേഷ് കനകരാജ് സംവിധാനം ചെയ്യുന്ന വിക്രം, ഒരു മാസ്സ് ആക്ഷന്‍ ത്രില്ലര്‍ എന്റര്‍ടൈനര്‍ ആയിരിക്കുമെന്ന് ആദ്യ ടീസറില്‍നിന്ന് തന്നെ വ്യക്തമായിരുന്നു.
മലയാളി സന്നിധ്യം കൊണ്ട് ശ്രദ്ധയമാകുന്ന ചിത്രം കൂടിയാണ് വിക്രം. കാളിദാസ് ജയറാം, ചെമ്പന്‍ വിനോദ് ജോസ്, നരേന്‍ എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ലിജോ ജോസ് പെല്ലിശ്ശേരിയുടെ ജെല്ലിക്കെട്ടിലൂടെ ശ്രദ്ധേയനായ ഗിരീഷ് ഗംഗാധരനാണ് ഛായാഗ്രഹണം നിര്‍വഹിക്കുന്നത്. അനിരുദ്ധ് രവിചന്ദര്‍ ആണ് ചിത്രത്തിന് വേണ്ടി സംഗീതം ഒരുക്കുന്നത്. പ്രശസ്ത സ്റ്റണ്ട് കൊറിയോഗ്രാഫേഴ്‌സായ അന്‍പറിവാണ് ചിത്രത്തിനായി സംഘട്ടനങ്ങള്‍ ഒരുക്കുക്കുന്നത്.
Recent Comments