സംവിധായകന്‍ പാ.രഞ്ജിത്ത് അവതരിപ്പിക്കുന്ന കുതിരൈ വാല്‍ മാര്‍ച്ച് 18- ന് പ്രദര്‍ശനത്തിനെത്തുന്നു. ‘മദ്രാസ്’ എന്ന സിനിമയില്‍ കാര്‍ത്തിയുടെ സുഹൃത്തായി അഭിനയിച്ച കലൈയരശനാണ് നായകന്‍. ‘ഡല്‍ഹി ഇന്‍ എ ഡേ’, ‘ചക്രവ്യുഹ്’, ‘ന്യുടണ്‍’ എന്നീ സിനിമകളിലൂടെ കീര്‍ത്തി നേടിയ ഹിന്ദി- മറാത്തി അഭിനേത്രി അഞ്ജലി പട്ടിലാണ് നായിക. സൗമ്യ ജയമൂര്‍ത്തി, ആനന്ദ് സാമി, ചേതന്‍ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
ഒരു ഫാന്റസി സൈക്കോളജിക്കല്‍ ത്രില്ലറാണ് ചിത്രത്തിന്റെ പ്രമേയം. ശ്യാം സുന്ദര്‍, മനോജ് ലിയോണല്‍ ജേസന്‍ എന്നിവരാണ് സംവിധായകര്‍. കാര്‍ത്തിക്ക് മുത്തുകുമാര്‍ ഛായഗ്രഹണവും പ്രദീപ് കുമാര്‍ സംഗീത സംവിധാനവും നിര്‍വഹിച്ചിരിക്കുന്നു. നീലം പ്രൊഡക്ഷന്‍സന്റെ ബാനറില്‍ ‘പരിയേറും പെരുമാള്‍’, ‘ഇരണ്ടാം ഉലക പോരിന്‍ കടൈശി ഗുണ്ട്’ എന്നീ ജനപ്രിയ ചിത്രങ്ങള്‍ നിര്‍മ്മിച്ച സംവിധായകന്‍ പാ. രഞ്ജിത്ത്, യാഴി ഫിലിംസുമായി ചേര്‍ന്ന് നിര്‍മ്മിച്ച ചിത്രമാണ് ‘കുതിരൈ വാല്‍. മുരളി സില്‍വര്‍ സ്‌ക്രീന്‍ പിക്ചര്‍സാണ് ഈ ചിത്രം കേരളത്തില്‍ പ്രദര്‍ശനത്തിനെത്തിക്കുന്നത്. വാര്‍ത്താപ്രചരണം സി.കെ.അജയ് കുമാര്‍.
Recent Comments