മലയാളത്തിലെ ഏറ്റവും വലിയ റിയാലിറ്റി ഷോയായ ബിഗ്‌ബോസിന്റെ ഷൂട്ടിംഗ് നാളെ മുംബയിലെ ഫിലിം സിറ്റിയില്‍ ആരംഭിക്കും. ഇതിന്റെ ഷൂട്ടിംഗിനായി ലാല്‍ ഇന്ന് രാത്രിയോടെ മുംബയിലെത്തും. ബിഗ്‌ബോസ് നാലാം സീസണിന്റെ അവതാരകനും ലാലാണ്.
ബിഗ്‌ബോസ് ഹൗസ് പരിചയപ്പെടുത്തുന്ന എപ്പിസോഡാണ് നാളെ ഷൂട്ട് ചെയ്യുന്നത്. മത്സരാര്‍ത്ഥികളെ അവതരിപ്പിക്കുന്ന എപ്പിസോഡ് മാര്‍ച്ച് 26 നും ഷൂട്ട് ചെയ്യും. ഏഷ്യനെറ്റിലെ സ്‌പെഷ്യല്‍ ഇവന്റായി മാര്‍ച്ച് 27 രാത്രി 7 മണി മുതല്‍ 10.30 വരെ ഇത് സംപ്രേക്ഷണം ചെയ്യും.
പ്രശസ്ത സിനിമാതാരം ലക്ഷ്മിപ്രിയ, സീരിയല്‍ താരങ്ങളായ നവീന്‍ അറക്കല്‍, സൂരജ് തുടങ്ങിയവര്‍ നാലാം സീസണിലെ മത്സരാര്‍ത്ഥികളില്‍ ചിലരാണ്.
ഇത്തവണത്തെ ബിഗ്‌ബോസിന്റെ പ്രധാന ആകര്‍ഷണങ്ങളിലൊന്ന് ബിഗ്‌ബോസ് ഹൗസ് തന്നെയാണ്. കഴിഞ്ഞ മൂന്ന് സീസണുകളില്‍നിന്ന് വ്യത്യസ്തമായി ഇത്തവണ മുംബയിലെ ഫിലിം സിറ്റിയിലാണ് ബിഗ്‌ബോസ് ഹൗസ് പണിതുയര്‍ത്തിയിരിക്കുന്നത്. മേരികോം എന്ന ചലച്ചിത്രത്തിന്റെ സംവിധായകനും പ്രശസ്തത പ്രൊജക്ട് ഡിസൈനറുമായ ഒമംഗ് കുമാറാണ് ബിഗ്‌ബോസ് ഹൗസ് രൂപകല്‍പ്പന ചെയ്തിരിക്കുന്നത്.
Recent Comments