പ്രേക്ഷകരുടെ ആവേശത്തിന് ആക്കംകൂട്ടി ജനഗണമനയുടെ പുതിയ ട്രെയിലര്‍ പുറത്തിറങ്ങി. പൃഥ്വിരാജ്, സുരാജ് വെഞ്ഞാറമൂട്, മംമ്താ മോഹന്‍ദാസ് എന്നിവര്‍ പ്രധാന വേഷത്തിലെത്തുന്ന ഡിജോ ജോസ് ആന്റണി ചിത്രം അടിച്ചമര്‍ത്തപ്പെട്ടവരുടെയും ഒറ്റപ്പെട്ടുപോയവരുടെയും ശക്തമായ അമര്‍ഷം നാലു മിനിറ്റ് ദൈര്‍ഘ്യമുള്ള ട്രെയിലറിലൂടെ കാട്ടിത്തരുന്നു.
മുന്‍പു ചിത്രത്തിന്റേതായി പുറത്തിറങ്ങിയ പ്രൊമോ പ്രേക്ഷകര്‍ക്ക് ആവേശം നല്‍കിയെങ്കില്‍, ആ ആവേശത്തിന്റെ പതിന്‍മടങ്ങാണ് ട്രെയിലര്‍ സമ്മാനിക്കുന്നത്. പ്രേക്ഷകരെ മുള്‍മുനയില്‍ നിര്‍ത്തുന്ന ട്രെയിലര്‍ ഇതിനോടകംതന്നെ യൂട്യൂബില്‍ ട്രെന്‍ഡിങ്ങായി മാറികഴിഞ്ഞു.
ശ്രീദിവ്യ, ധ്രുവന്‍, ശാരി, ഷമ്മി തിലകന്‍, രാജ കൃഷ്ണമൂര്‍ത്തി, പശുപതി, അഴകം പെരുമാള്‍, ഇളവരശ്, വിനോദ് സാഗര്‍, വിന്‍സി അലോഷ്യസ്, മിഥുന്‍, ഹരി കൃഷ്ണന്‍, വിജയകുമാര്‍, വൈഷ്ണവി വേണുഗോപാല്‍, ചിത്ര അയ്യര്‍, ബെന്‍സി മാത്യൂസ്, ധന്യ അനന്യ, നിമിഷ, ദിവ്യ കൃഷ്ണ, ജോസ്‌കുട്ടി ജേക്കബ്, പ്രസാദ് അരുമനായകം, ശുഭ വെങ്കട്, രാജ് ബാബു തുടങ്ങിയവരാണ് മറ്റ് അഭിനേതാക്കള്‍.
പൃഥ്വിരാജ് പ്രൊഡക്ഷന്‍സിന്റെ ബാനറില്‍ സുപ്രിയ മേനോനും മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. രചന ഷാരിസ് മുഹമ്മദും ഛായാഗ്രഹണം സുദീപ് ഇളമണും നിര്‍വ്വഹിച്ചിരിക്കുന്നു. ചിത്രം ഏപ്രില്‍ 28ന് ലോകമെമ്പാടുമുള്ള തീയേറ്ററുകളില്‍ റിലീസ് ചെയ്യും.
Recent Comments