നീണ്ട ഇടവേളയ്ക്കുശേഷം കുഞ്ചാക്കോ ബോബനും ജയസൂര്യയും ഒന്നിച്ചഭിനയിക്കുന്ന ചിത്രമാണ് എന്താടാ സജി. നവാഗതനായ ഗോഡ്ഫി സേവ്യര്‍ ബാബു ഈ ചിത്രം തിരക്കഥ എഴുതി സംവിധാനം ചെയ്യുന്നു. ലിസ്റ്റിന്‍ സ്റ്റീഫനാണ് നിര്‍മ്മാതാവ്. ഇന്ന് തൊടുപുഴക്കടുത്തുള്ള പെരിയമ്പ്ര സെന്റ് ജോര്‍ജ് ഓര്‍ത്തഡോക്‌സ് പള്ളിയില്‍ വച്ച് പൂജ നടന്നു.
ലിസ്റ്റിന്‍ സ്റ്റീഫന്‍, ഏബ്രഹാം മാത്യു, ആല്‍വിന്‍ ആന്റണി, സോഫിയാ ബാബു, ജിത്തു ദാമോദര്‍ എന്നിവര്‍ ചേര്‍ന്ന് ഭദ്രദീപം തെളിയിച്ചു. ബനീറ്റാ സ്റ്റീഫന്‍ സ്വിച്ചോണ്‍ കര്‍മ്മവും നടി ഷീലു ഏബ്രഹാം ഫസ്റ്റ് ക്ലാപ്പും നല്‍കി.
ഗ്രാമീണാന്തരീക്ഷത്തില്‍ നര്‍മ്മത്തിനു പ്രാധാന്യം നല്‍കി അണിയിച്ചൊരുക്കുന്ന ചിത്രമാണിത്. നിവേദിതാ തോമസ്സാണ് നായിക. നീണ്ട ഇടവേളയ്ക്കുശേഷമാണ് നിവേദിത മലയാളസിനിമയില്‍ തിരിച്ചെത്തുന്നത്.
സിദ്ധാര്‍ത്ഥ് ശിവാ, ശ്രീജിത്ത് രവി, സെന്തില്‍, വിമല്‍, പ്രേം പ്രകാശ്, രാജേഷ് ശര്‍മ്മ, ബെന്നി പി. നായരമ്പലം, ജോസൂട്ടി, ജിത്തു ജോസ്, സന്തോഷ് കൃഷ്ണന്‍, പുജപങ്കജ എന്നിവരും താരനിരയിലുണ്ട്. ഓഡിഷനിലൂടെ തെരഞ്ഞെടുത്ത അമ്പതോളം പുതുമുഖങ്ങളും ചിത്രത്തില്‍ അഭിനയിക്കുന്നു.
സംഗീതം വില്യം ഫ്രാന്‍സിസ്. ജിത്തു ദാമോദര്‍ ഛായാഗ്രഹണവും രതീഷ് രാജ് എഡിറ്റിംഗും നിര്‍വ്വഹിക്കുന്നു. കലാസംവിധാനം ഷിജിപട്ടണം. മേക്കപ്പ് റോണക്‌സ് സേവ്യര്‍. കോസ്റ്റ്യൂം സിസൈന്‍ സമീറാ സനീഷ്. കോ- പ്രൊഡ്യൂസര്‍ ജസ്റ്റിന്‍ സ്റ്റീഫന്‍, ലൈന്‍ പ്രൊഡ്യൂസര്‍ സന്തോഷ് കൃഷ്ണന്‍. പ്രൊഡക്ഷന്‍ കണ്‍ട്രോളര്‍ ഗിരീഷ് വാര്‍ത്താപ്രചരണം വാഴൂര്‍ ജോസ്, സ്റ്റില്‍സ് പ്രേംലാല്‍ പട്ടാഴി.
Recent Comments