റോബിന്‍ റീല്‍സിന്റെ ബാനറില്‍ റെയ്സണ്‍ കല്ലടയില്‍ നിര്‍മ്മിക്കുന്ന ‘ഭഗവാന്‍ ദാസന്റെ രാമരാജ്യം’ എന്ന സിനിമയുടെ പൂജ എറണാകുളം ഐ.എം.എഹാളില്‍ വെച്ച് നടന്നു. സിനിമ മേഖലയിലെ പ്രമുഖര്‍ ചടങ്ങില്‍ പങ്കെടുത്തു. സംവിധായകന്‍ സിബി മലയില്‍ സ്വിച്ച് ഓണ്‍ കര്‍മം നിര്‍വഹിക്കുകയും സംവിധായകന്‍ ഷാജി കൈലാസ് ഫസ്റ്റ് ക്ലാപ് അടിക്കുകയും ചെയ്തു. ചടങ്ങില്‍ റോബിന്‍ റീലിസ് പ്രൊഡക്ഷന്റെ ലോഗോ പ്രകാശനം നിര്‍മ്മാതാവ് ലിസ്റ്റിന്‍ സ്റ്റീഫന്‍നിര്‍വഹിച്ചു. ഇരിങ്ങാലക്കുട നഗരസഭാ മുനിസിപ്പല്‍ ചെയര്‍പേഴ്സണ്‍ സോണിയ ഗിരി തുടങ്ങിയവര്‍ ചടങ്ങില്‍ പങ്കെടുത്തു.
ശ്രദ്ധേയമായ നിരവധി ഹ്രസ്വ ചിത്രങ്ങളുടെ സംവിധായകനായ റഷീദ് പറമ്പില്‍ ആദ്യമായി സംവിധാനം നിര്‍വ്വഹിക്കുന്ന സിനിമയുടെ കഥയും തിരക്കഥയും എഴുതിയിരിക്കുന്നത് ഫെബിന്‍ സിദ്ധാര്‍ഥാണ്. ശിഹാബ് ഓങ്ങല്ലൂര്‍ ഛായഗ്രഹണവും വിഷ്ണു ശിവശങ്കര്‍സംഗീതവും നിര്‍വഹിക്കുന്നു.
ടി.ജി. രവി, അക്ഷയ് രാധാകൃഷ്ണന്‍, ഇര്‍ഷാദ് അലി, നിയാസ് ബക്കര്‍, മണികണ്ഠന്‍ പട്ടാമ്പി, ശ്രീജിത്ത് രവി, വരുണ്‍ ധാര, പ്രശാന്ത് മുരളി, അനൂപ് കൃഷ്ണന്‍, വിനോദ് തോമസ്, മാസ്റ്റര്‍ വസിഷ്ട്, റോഷ്ന ആന്‍ റോയ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്നു. പടവെട്ട്, ലൈല എന്നീ ചിത്രങ്ങള്‍ക്കുശേഷം നന്ദനരാജന്‍ ഈ ചിത്രത്തില്‍ നായികയാകുന്നു. നാട്ടിന്‍പുറത്തെ ഒരു ഉത്സവത്തിന്റെ പശ്ചാത്തലത്തില്‍ അരങ്ങേറുന്ന കഥ, ഹാസ്യത്തിന്റെ മേമ്പൊടി യോടുകൂടിയാണ് പറയുന്നത്.
ഏപ്രില്‍ 20 മുതല്‍ ഷൊര്‍ണൂരും പരിസരപ്രദേശങ്ങളും ചിത്രീകരണം ആരംഭിക്കും. എഡിറ്റിംഗ് മിഥുന്‍ കെ.ആര്‍., എക്‌സിക്യൂട്ടിവ് പ്രൊഡ്യൂസര്‍ രാജീവ് പിള്ളത്ത്, ഗാനരചന ജിജോയ് ജോര്‍ജ്,ഗണേഷ് മലയത്, പ്രൊജക്റ്റ് ഡിസൈനര്‍ രജീഷ് ഒറ്റപ്പാലം, കലാ സംവിധാനം സജി കോടനാട്, മേക്കപ്പ് നരസിംഹ സ്വാമി, വസ്ത്രാലങ്കാരം ഫെമിന ജബ്ബാര്‍, അസ്സോസിയേറ്റ് ഡയറക്ടേഴ്‌സ് വിശാല്‍ വിശ്വനാഥന്‍, വിനയ് ചെന്നിത്തല, അസിസ്റ്റന്റ് ഡയറക്ടേഴ്‌സ് അരുണ്‍ കെ വാണിയംകുളം, ദിപിന്‍ ദാസ്, ആദര്‍ശ് ബാബു, പൊന്നു ഗന്ധര്‍വ്. പി.ആര്‍.ഒ എം.കെ. ഷെജിന്‍ ആലപ്പുഴ.
Recent Comments