നവാഗതനായ അനൂപ് പന്തളം സംവിധാനം ചെയ്യുന്ന ഷെഫീക്കിന്റെ സന്തോഷം എന്ന സിനിമയുടെ ഷൂട്ടിംഗ് അഞ്ചാംദിവസം പിന്നിടുന്നതിനിടെ ഇന്ന് രാഹുല്‍ മാധവ് ജോയിന്‍ ചെയ്തു. നാളെ മനോജ് കെ. ജയനും സെറ്റിലെത്തും. നിലവില്‍ ഉണ്ണി മുകുന്ദന്‍, ബാല, ദിവ്യ പിള്ള, ഗീത സംഗീത തുടങ്ങിയവര്‍ പങ്കെടുക്കുന്ന രംഗങ്ങളാണ് ചിത്രീകരിച്ചുകൊണ്ടിരിക്കുന്നത്. കുടുംബബന്ധങ്ങളുടെ കഥ പറയുന്ന തികച്ചും റിയലിസ്റ്റിക് ഫണ്‍ മൂവിയാണ് ഷെഫീക്കിന്റെ സന്തോഷം.
മസില്‍മാന്‍ ഇമേജില്‍നിന്ന് മാറി ഫാമിലിമാനിലേയ്ക്കുള്ള ഉണ്ണിമുകുന്ദന്റെ കൂടുമാറ്റമാണ് മേപ്പടിയാനില്‍നിന്ന് ഷെഫീക്കിന്റെ സന്തോഷത്തിലെത്തുമ്പോഴും കാണാനാകുന്നത്. കയ്യടക്കമുള്ള പ്രകടനംകൊണ്ട് മേപ്പടിയാനിലെ ജയകൃഷ്ണനെ ഗംഭീരമാക്കിയ ഉണ്ണിമുകുന്ദന് ഷെഫീക്കിന്റെ സന്തോഷം ഒരിക്കലുമൊരു വെല്ലുവിളിയാകുമെന്ന് തോന്നുന്നില്ല. മറിച്ച് മേപ്പടിയാന്റെ തുടര്‍ച്ച മാത്രമായിരിക്കും.
എല്‍ദോ ഐസക് ഛായാഗ്രഹണം നിര്‍വ്വഹിക്കുന്ന ചിത്ത്രതിന്റെ എഡിറ്റര്‍ നൗഫല്‍ അബ്ദുള്ളയാണ്. വിനോദ് മംഗലത്താണ് പ്രൊഡക്ഷന്‍ കണ്‍ട്രോളര്‍.
Recent Comments