ഗുരു സോമസുന്ദരം, ജിനു ജോസഫ്, ഗോവിന്ദ് പത്മസൂര്യ, ശ്രുതി രാമചന്ദ്രന്‍, ശ്രിന്ദ എന്നിവരെ പ്രധാന കഥാപാത്രങ്ങളാക്കി രാജേഷ് കെ. രാമന്‍ തിരക്കഥയെഴുതി സംവിധാനം ചെയ്യുന്ന ചിത്രത്തിന്റെ പൂജയും സ്വിച്ചോണ്‍ കര്‍മ്മവും എറണാകുളം ഇടപ്പള്ളി അഞ്ചുമന ദേവീ ക്ഷേത്രത്തില്‍ വെച്ച് നടന്നു. പ്രശസ്ത സംവിധായകന്‍ സിബി മലയില്‍ സ്വിച്ചോണ്‍ നിര്‍വ്വഹിച്ചു. സംവിധായകന്‍ മനു അശോകന്‍ ആദ്യ ക്ലാപ്പടിച്ചു. ചിത്രത്തിന് ടൈറ്റില്‍ ആയിട്ടില്ല. ഇതൊരു ഫാമിലി ഡ്രാമയാണ്.
രാജേഷ് കെ. രാമന്റെ ആദ്യ സംവിധാന സംരംഭമാണിത്. ഷേക്‌സ്പിയര്‍ എം.എ. മലയാളം എന്ന ചലച്ചിത്രത്തിന്റെ കഥ രാജേഷിന്റേതായിരുന്നു. സാരഥി എന്ന ചിത്രത്തിന് കഥയും തിരക്കഥയും സംഭാഷണവും എഴുതിയിട്ടുണ്ട്. Sei എന്ന തമിഴ് ചലച്ചിത്രത്തിന്റെ കഥാകാരനും രാജേഷാണ്.
ഹൃദയം ഫെയിം കലേഷ് രാമാനന്ദ്, രഘുനാഥ് പലേരി,അഭിജ ശിവകല, കോട്ടയം രമേഷ്, അരുണ്‍ കുമാര്‍, ശ്രുതി രജനീകാന്ത്, സജിന്‍ ചെറുകയില്‍ തുടങ്ങിയവരാണ് മറ്റു പ്രമുഖ താരങ്ങള്‍.
സൂരജ് പ്രൊഡക്ഷന്‍സിന്റെ ബാനറില്‍ എം രമേഷ് റെഡ്ഡിയാണ് ഈ ചിത്രം നിര്‍മ്മിക്കുന്നത്. കന്നട സിനിമയിലെ പ്രശസ്ത നിര്‍മ്മാതാവായ രമേഷ് റെഡ്ഢിയുടെ ഏഴാമത്തേതും മലയാളത്തിലെ ആദ്യ ചിത്രവുമാണിത്. ഛായാഗ്രഹണം രാഗേഷ് നാരായണന്‍. എഡിറ്റര്‍ അയൂബ് ഖാന്‍, സംഗീതം സച്ചിന്‍ ശങ്കര്‍ മന്നത്ത്, കല മനു ജഗത്, മേക്കപ്പ് പ്രദീപ് ഗോപാലകൃഷ്ണന്‍, കോസ്റ്റ്യൂം ബ്യൂസി ബേബി ജോണ്‍, സ്റ്റില്‍സ് രാകേഷ് നായര്‍, പ്രൊഡക്ഷന്‍ കണ്‍ട്രോളര്‍ സജീവ് ചന്തിരൂര്‍, ചീഫ് അസോസിയേറ്റ് ഡയറക്ടര്‍ അബി ആനന്ദ്, അസോസിയേറ്റ് ഡയറക്ടര്‍ നിധീഷ് ഇരിട്ടി, രാഹുല്‍ കൃഷ്ണ, ക്യാമറ അസോസിയേറ്റ് മണികണ്ഠന്‍ പി.സി, അസിസ്റ്റന്റ് ഡയറക്ടര്‍ യദോകൃഷ്ണ, ദേയകുമാര്‍, കാവ്യ തമ്പി. പ്രൊഡക്ഷന്‍ എക്സിക്യൂട്ടീവ്-സജി പുതുപ്പള്ളി. പിആര്‍ഒ എ എസ് ദിനേശ്.
മെയ് 6 ന് ചിത്രത്തിന്റെ ഷൂട്ടിംഗ് എറണാകുളത്ത് ആരംഭിക്കും.
Recent Comments