പ്രഥമ മാടമ്പ് സ്മാരക പുരസ്‌കാരം മുന്‍ മിസോറാം ഗവര്‍ണര്‍ കുമ്മനം രാജശേഖരനില്‍നിന്ന് സുരേഷ്‌ഗോപി ഏറ്റുവാങ്ങി. കേച്ചേരിയിലുള്ള കിരാലൂര്‍ മാടമ്പ് മനയില്‍വച്ചാണ് പുരസ്‌കാരദാന ചടങ്ങ് നടന്നത്.
‘ഇടമലകുടിയാറിലെ ഗോത്രവിഭാഗത്തിനുവേണ്ടി ഞാന്‍ ചെയ്തുകൊണ്ടിരിക്കുന്ന കുടിവെള്ള പദ്ധതിക്കായി പുരസ്‌കാര തുക സമര്‍പ്പിക്കുകയാണ്. ഇത് മാടമ്പ് തിരുമേനിക്കുള്ള എന്റെ ഹൃദയ സമര്‍പ്പണമാണ്.’ സുരേഷ്‌ഗോപി മറുപടി പ്രസംഗത്തില്‍ പറഞ്ഞു.
കാലടി ശങ്കരാചാര്യ സര്‍വ്വകലാശാല മുന്‍ വൈസ് ചാന്‍സലര്‍ ഡോ. കെ.എസ്. രാധാകൃഷ്ണന്‍ മാടമ്പ് കുഞ്ഞിക്കുട്ടന്‍ അനുസ്മരണ പ്രഭാഷണം നടത്തി. തപസ്യ സംസ്ഥാന പ്രസിഡന്റ് ഡോ. പി.ജി. ഹരിദാസ് അദ്ധ്യക്ഷനായിരുന്നു. സ്വാമി നന്ദാത്മജാനന്ദ അനുഗ്രഹപ്രഭാഷണം നടത്തി.
Recent Comments