ഇക്കഴിഞ്ഞ ദിവസം മാധ്യമങ്ങള്‍ക്കും സെലിബ്രിറ്റികള്‍ക്കും വേണ്ടി ചെന്നൈയില്‍ നടത്തിയ പ്രീമിയര്‍ ഷോ കണ്ടവര്‍ മികച്ച അഭിപ്രായം പറഞ്ഞ അയങ്കരനില്‍ നായക കഥാപാത്രത്തെ അവതരിപ്പിക്കുന്നത് ജി.വി. പ്രകാശാണ്.
തീയേറ്ററുകളില്‍ എത്തുംമുമ്പേ നിരൂപകരുടെയും ധനുഷ് ഉള്‍പ്പെടെയുള്ള സെലിബ്രിറ്റികളുടെയും പ്രശംസയും നേടിയ അയങ്കരന്‍ തന്റെ അഭിനയ ജീവിതത്തില്‍ വലിയൊരു നാഴികക്കല്ലായി തീരുമെന്ന ആത്മവിശ്വാസമാണ് ജി.വി. പ്രകാശിന്.
‘ഈട്ടി’ എന്ന ഹിറ്റ് സിനിമ അണിയിച്ചൊരുക്കി ശ്രദ്ധേയനായ രവി അരസുവാണ് അയങ്കരന്റെ രചയിതാവും സംവിധായകനും. സമകാലീന രാഷ്ട്രീയ സംഭവങ്ങള്‍ കോര്‍ത്തിണക്കിയ സയന്‍സ് പശ്ചാത്തലത്തിലുള്ള ആക്ഷന്‍ ത്രില്ലര്‍ ചിത്രമാണിത്. മലയാളിയായ മഹിമാ നമ്പ്യാരാണ് നായിക.
ഹരീഷ് പേരടി, രവീണാ രവി, സിദ്ധാര്‍ഥ് ശങ്കര്‍, യോഗി ബാബു, കാളി വെങ്കട്ട്, ആടുകളം നരേന്‍, മയില്‍സാമി എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
കോമണ്‍ മാന്‍ ഫിലിം നിര്‍മ്മിച്ച അയങ്കരന്‍ സില്‍വര്‍ സ്‌ക്രീന്‍ മുരളി കേരളത്തില്‍ റിലീസ് ചെയ്യും. പിആര്‍ഒ സി.കെ. അജയ് കുമാര്‍
Recent Comments