പ്രേക്ഷകര്‍ ഏറ്റവും ആവേശത്തോടെ കാത്തിരുന്ന ലോകേഷ് കനകരാജിന്റെ വിക്രം എന്ന സിനിമയുടെ ട്രെയിലര്‍ പുറത്തിറങ്ങി. കമല്‍ഹാസനൊപ്പം ഫഹദ് ഫാസിലും വിജയ് സേതുപതിയും ഒന്നിക്കുന്ന ചിത്രത്തിന്റെ ആക്ഷന്‍ പാക്ഡായ ട്രെയിലര്‍ ആണ് അണിയറക്കാര്‍ പുറത്ത് വിട്ടിരിക്കുന്നത്.
പ്രേക്ഷകരെ ത്രസിപ്പിക്കുന്ന ആക്ഷനും ഡയലോഗുകളുമുള്ള ഒരു മാസ്സ് എന്റര്‍ടൈനറായിരിക്കും വിക്രം എന്ന് ട്രെയിലറില്‍ നിന്ന് വ്യക്തമാകുന്നു. കമല്‍ഹാസന്‍, ഫഹദ് ഫാസില്‍, വിജയ് സേതുപതി എന്നീ മുഖ്യ താരങ്ങള്‍ക്ക് പുറമെ നരേന്‍, ചെമ്പന്‍ വിനോദ് എന്നിവരും ചിത്രത്തില്‍ പ്രധാന വേഷത്തില്‍ എത്തുന്നു. ചിത്രത്തിന്റെ ട്രെയിലര്‍ ഇതിനോടകം തന്നെ പ്രേക്ഷക ശ്രദ്ധ നേടി കഴിഞ്ഞിരിക്കുകയാണ്.
ചിത്രം ജൂണ്‍ 3ന് തീയേറ്ററുകളില്‍ റിലീസ് ചെയ്യും.
ലിജോ ജോസ് പെല്ലിശ്ശേരിയുടെ ജെല്ലിക്കെട്ടിലൂടെ ശ്രദ്ധേയനായ ഗിരീഷ് ഗംഗാധരന്‍ ഛായാഗ്രഹണവും അനിരുദ്ധ് രവിചന്ദര്‍ സംഗീതവും ഒരുക്കുന്നു.
1986 ല്‍ പുറത്തിറങ്ങിയ കമല്‍ ചിത്രമായിരുന്നു വിക്രം. ആ പേര് തന്നെയാണ് കമല്‍ തന്റെ പുതിയ ചിത്രത്തിന് നല്‍കിയിരിക്കുന്നത്. രാജ് കമല്‍ ഫിലിംസിന്റെ ബാനറില്‍ കമല്‍ ഹാസനും ആര്‍. മഹേന്ദ്രനും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
Recent Comments