തെലുങ്ക് സൂപ്പര്‍ താരം ജൂനിയര്‍ എന്‍ടിആറിന്റെ പിറന്നാള്‍ ദിനമായിരുന്നു ഇന്ന്. രണ്ട് ചിത്രങ്ങളുടെ അനൗണ്‍സ്‌മെന്റാണ് ഇതുമായി ബന്ധപ്പെട്ട് പുറത്ത് വന്നിരിക്കുന്നത്. ആദ്യചിത്രം കൊരട്ടാല ശിവ സംവിധാനം ചെയ്യുന്ന ‘ഫ്യൂറി ഓഫ് എന്‍ടിആര്‍ 30’ ആണ്. രണ്ടാമത്തെ ചിത്രം സംവിധാനം ചെയ്യുന്നത് കെ.ജി.എഫിന്റെ സംവിധായകന്‍ പ്രശാന്ത് നീലാണ്. ‘എന്‍.ടി.ആര്‍. 31’ എന്നാണ് തല്‍ക്കാലം നാമകരണം ചെയ്തിരിക്കുന്നത്.
And then with @prashanth_neel pic.twitter.com/cUBWeSoxfW
— Jr NTR (@tarak9999) May 20, 2022
കൊരട്ടാല ശിവ ചിത്രത്തിന്റെ ടൈറ്റില്‍ വീഡിയോയാണ് ആദ്യം പുറത്തുവിട്ടത്. നന്ദമൂരി കല്യാണ്‍ റാം ആണ് നിര്‍മ്മാതാവ്. സാബു സിറില്‍, ശ്രീകര്‍ പ്രസാദ്, രത്നവേലു തുടങ്ങിയ പ്രമുഖ ടെക്‌നീഷ്യന്മാര്‍ ചിത്രത്തിന്റെ അണിയറയില്‍ പ്രവര്‍ത്തിക്കുന്നുണ്ട്. അനിരുധ് രവിചന്ദറാണ് സംഗീത സംവിധായകന്‍. ജൂനിയര്‍ എന്‍ ടി ആറും മോഹന്‍ലാലും ഒന്നിച്ച ജനത ഗ്യാരേജിന്റെ സംവിധായകനായിരുന്നു കൊരട്ടാല ശിവ.
My next with Koratala Siva… https://t.co/iPyKSQ9Sjs pic.twitter.com/xaEB1ZbwON
— Jr NTR (@tarak9999) May 19, 2022
പ്രശാന്ത് നീലും ജൂനിയര്‍ എന്‍ടിആറും ആദ്യമായി ഒന്നിക്കുന്ന ‘എന്‍.ടി.ആര്‍ 31’ന്റെ പോസ്റ്ററും ഇന്നാണ് പുറത്ത് വിട്ടത്. മൈത്രി മൂവീസും ജൂനിയര്‍ എന്‍ടിആറും ചേര്‍ന്നാണ് ഈ ചിത്രം നിര്‍മ്മിക്കുന്നത്.
Recent Comments