ഗോഡ്ഫി സേവ്യര്‍ ബാബു തിരക്കഥയെഴുതി സംവിധാനം ചെയ്യുന്ന എന്താടാ സജി എന്ന ചിത്രത്തിന്റെ ഷൂട്ടിംഗ് ഇന്ന് പൂര്‍ത്തിയാകും. കഴിഞ്ഞ ഏപ്രില്‍ 2 ന് തൊടുപുഴയിലാണ് ചിത്രീകരണം ആരംഭിച്ചത്.
നിരവധി പരസ്യ ചിത്രങ്ങളുടെ സംവിധായകനാണ് ഗോഡ്ഫി ബാബു. ഗോഡ്ഫിയുടെ ആദ്യ ചലച്ചിത്രമാണ് എന്താടാ സജി. ഒരു ഫാമിലി കോമഡി ഡ്രാമയാണ് ചിത്രം.
കുഞ്ചാക്കോ ബോബനും ജയസൂര്യയുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. നിവേദിതാ തോമസും പ്രയാഗ മാര്‍ട്ടിനുമാണ് നായികാനിരയിലുള്ളത്. സിദ്ധാര്‍ത്ഥ് ശിവ, ശ്രീജിത്ത് രവി, സെന്തില്‍, വിമല്‍, പ്രേം പ്രകാശ്, രാജേഷ് ശര്‍മ്മ, ബെന്നി പി. നായരമ്പലം, ജോസൂട്ടി, ജിത്തു ജോസ്, സന്തോഷ് കൃഷ്ണന്‍ എന്നിവരാണ് മറ്റ് അഭിനേതാക്കള്‍. നിരവധി പുതുമുഖങ്ങളും ചിത്രത്തില്‍ അഭിനയിക്കുന്നു.
ജിത്തു ദാമോദര്‍ ക്യാമറാമാനാകുന്ന ചിത്രത്തിന്റെ എഡിറ്റര്‍ രതീഷ് രാജാണ്. മാജിക് ഫ്രെയിംസിന്റെ ബാനറില്‍ ലിസ്റ്റിന്‍ സ്റ്റീഫനാണ് ചിത്രം നിര്‍മ്മിക്കുന്നത്. സന്തോഷ് കൃഷ്ണയാണ് ലൈന്‍ പ്രൊഡ്യൂസര്‍.
Recent Comments