ദുല്‍ഖര്‍ സല്‍മാന്‍ നായകനാകുന്ന തെലുങ്ക് ചിത്രം സീതാരാമം ആഗസ്റ്റ് 5 ന് റിലീസ് ചെയ്യും. തൊട്ടുമുമ്പ് ദുല്‍ഖര്‍തന്നെയാണ് തന്റെ ഇന്‍സ്റ്റാഗ്രാം പേജിലൂടെ ഈ വിവരം പുറത്തു വിട്ടത്. ദുല്‍ഖറിന്റെ രണ്ടാമത്തെ തെലുങ്കുചിത്രമാണിത്. ആദ്യചിത്രം നാഗ അശ്വിന്‍ സംവിധാനം ചെയ്ത മഹാനടിയാണ്. സാവിത്രി എന്ന മഹാനടിയുടെ ജീവിതം പറഞ്ഞ ചിത്രത്തില്‍ ജമിനി ഗണേശന്റെ വേഷം ചെയ്തത് ദുല്‍ഖറായിരുന്നു. സാവിത്രിയായി കീര്‍ത്തി സുരേഷും വേഷമിട്ടു.
View this post on Instagram
‘സീതാരാമ’ത്തില്‍ ലെഫ്റ്റനന്റ് രഘുരാമ എന്ന പാട്ടാള ഉദ്യോഗസ്ഥനെയാണ് ദുല്‍ക്കര്‍ അവതരിപ്പിക്കുന്നത്. യുദ്ധത്തിന്റെ പശ്ചാത്തലത്തില്‍ പറയുന്ന മനോഹരമായ പ്രണയകഥയാണ് സീതാരാമം. ‘ചരിത്രത്തിന്റെ പേജുകളില്‍നിന്നുള്ള ഒരു പ്രണയകാവ്യ’മെന്നാണ് സീതാരാമത്തെ ദുല്‍ഖര്‍ വിശേഷിപ്പിച്ചിരിക്കുന്നത്. ദുല്‍ഖറിന്റെ നായികമാരായി രശ്മിക മന്ദാനയും മൃണാള്‍ ഠാക്കൂറും അഭിനയിക്കുന്നു. സീത എന്നാണ് മൃണാള്‍ അവതരിപ്പിക്കുന്ന കഥാപാത്രത്തിന്റെ പേര്. അഫ്രീനയായി രശ്മിക മന്ദാനയും എത്തുന്നു. സുമന്ത്, ഗൗതം മേനോന്‍, പ്രകാശ് രാജ് എന്നിവരാണ് ചിത്രത്തിലെ മറ്റ് അഭിനേതാക്കള്‍.
ഹനു രാഘവപുഡിയാണ് സീതാരാമം സംവിധാനം ചെയ്യുന്നത്. സ്വപ്‌ന മൂവീസിന്റെ ബാനറില്‍ അശ്വിനി ദത്തും പ്രിയങ്ക ദത്തും ചേര്‍ന്ന് നിര്‍മ്മിക്കുന്ന ചിത്രം അവതരിപ്പിക്കുന്നത് വിജയന്തി മൂവീസാണ്.
Recent Comments