ടി.ജി. രവിയെയും ശ്രീജിത്ത് രവിയെയും കേന്ദ്രകഥാപാത്രമാക്കി ബി.സി. മേനോന്‍ തിരക്കഥയും സംഭാഷണവും എഴുതി സംവിധാനം ചെയ്യുന്ന ചിത്രമാണ് ‘ഷെവലിയാര്‍ ചാക്കോച്ചന്‍’. അടുത്തമാസം ചിത്രത്തിന്റെ ചിത്രീകരണമാരംഭിക്കും.
ചെറിയ ഇടവേളയ്ക്ക് ടി.ജി. രവിയും ശ്രീജിത്ത് രവിയും ഒന്നിക്കുന്ന ചിത്രം കൂടിയാണ് ഷെവലിയാര്‍ ചാക്കോച്ചന്‍. മനു വര്‍മ്മ, സിന്ധു വര്‍മ്മ, കുളപ്പുള്ളി ലീല, ചാലി പാല, സ്മൃതി അനീഷ്, മൃദുല മേനോന്‍, സാഫല്യം കബീര്‍ഖാന്‍, രവി നെയ്യാറ്റിന്‍കര, സന്തോഷ് നായര്‍ കോന്നി, ഷാജി കുഞ്ഞിരാമന്‍, അച്യുതന്‍ ചാങ്കൂര്‍, മൊയ്തീന്‍ കുളത്തൂപ്പുഴ, ദിവാകരന്‍ പട്ടാമ്പി, എം.സി തൈക്കാട്ട്, വിക്ടര്‍ ഇ ജെ, സീനത്ത് വര്‍ക്കല, ശിവകുമാര്‍ ആലപ്പുഴ, ജിജു പി ഡാനിയേല്‍,കുശലകുമാരി, രാജശ്രീ, സന്തോഷ് മാവേലിക്കര, സാബു പാലാംകടവ്, ജമാല്‍, സാബു നാരായണന്‍, അജി അമ്പലപ്പുഴ തുടങ്ങിയവരാണ് മറ്റ് അഭിനേതാക്കള്‍.
ജീവിതഗന്ധിയായ കഥാപാത്രമാണ് ടി.ജി. രവി ചിത്രത്തില്‍ അവതരിപ്പിക്കുന്നത്. മതസൗഹാര്‍ദ്ദവും സാഹോദര്യവുമാണ് ചിത്രത്തിന്റെ പ്രമേയം. വര്‍ത്തമാനകാല ജീവിതയാഥാര്‍ത്ഥ്യങ്ങളും സാമൂഹ്യചുറ്റുപാടുകളുമാണ് ചിത്രത്തിനാധാരം. കുടുംബപ്രേക്ഷകരെ ഏറെ രസിപ്പിക്കുന്ന കഥയാണ് ചിത്രത്തിന്റേത്. കുടുംബ ബന്ധങ്ങളുടെ ഇഴയടുപ്പവും സ്‌നേഹവും ഒക്കെ ചിത്രത്തിലുണ്ടെന്ന് സംവിധായകന്‍ ബി.സി. മേനോന്‍ പറഞ്ഞു.
എറണാകുളം, വൈക്കം, തലയോലപ്പറമ്പ്, കൊട്ടാരക്കര തുടങ്ങിയവയാണ് ലൊക്കേഷനുകള്‍. ചിത്രത്തിന്റെ ടൈറ്റില്‍ പോസ്റ്റര്‍ കൊച്ചിയില്‍ നടന്ന ചടങ്ങില്‍ അണിയറപ്രവര്‍ത്തകര്‍ പുറത്തുവിട്ടിരുന്നു.
സാഫല്യം ക്രിയേഷന്‍സിന്റെ ബാനറില്‍ സാഫല്യം ക്രിയേഷന്‍സ് നിര്‍മ്മിക്കുന്ന ചിത്രത്തിന്റെ കഥ രചിച്ചിരിക്കുന്നത് കബീര്‍ ഖാനാണ്. ഡിഒപി ജറിന്‍ ജെയിംസ്, സംഗീതവും പശ്ചാത്തല സംഗീതവും മുരളി അപ്പാടത്ത്. എഡിറ്റര്‍ ഷെബിന്‍ ജേക്കബ്, മേക്കപ്പ് ജയമോഹന്‍, കലാസംവിധാനം വിനീഷ് കണ്ണന്‍, ചീഫ് അസോസിയേറ്റ് ഡയറക്ടര്‍ നിതിന്‍ നാരായണ്‍, പ്രൊഡക്ഷന്‍ കണ്‍ട്രോളര്‍ കൃഷ്ണപിള്ള, പ്രൊഡക്ഷന്‍ എക്‌സിക്യൂട്ടീവ് അഭീഷ് തലയോലപ്പറമ്പ്, ഡിസൈന്‍ മീഡിയ- സെവന്‍ തുടങ്ങിയവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
Recent Comments