കാളപൂട്ടിന്റെ വിശ്വാസങ്ങളും ഗ്രാമീണ കാഴ്ചകളും പശ്ചാത്തലമാകുന്ന സിനിമയാണ് കാളച്ചേകോന്‍. ജെല്ലിക്കെട്ടിനെ കിടപിടിക്കുന്ന കാളപൂട്ട് മത്സരം ചിത്രത്തില്‍ നിറഞ്ഞുനില്‍ക്കുന്നു. ഉദ്വേഗജനകമായ സംഭവവികാസങ്ങളും ആക്ഷനും സസ്‌പെന്‍സും നിറഞ്ഞ കഥാസന്ദര്‍ഭങ്ങളും കാളച്ചേകോന്‍ എന്ന ചിത്രത്തിന് മാറ്റുകൂട്ടുന്നു. വീറും വാശിയും നിറഞ്ഞ കാളപ്പോര് മത്സരവും ഒപ്പംതന്നെ നാടന്‍ സംഘട്ടന രംഗങ്ങളും ഈ ചിത്രത്തിന്റെ പ്രത്യേകതയാണ്. പാലക്കാടിന്റെ ഹരിതാഭയാര്‍ന്ന പശ്ചാത്തലത്തില്‍ കുളിര്‍മയോടെ കൂടിയ പ്രണയകഥയും ചിത്രത്തിലുണ്ട്.
ശാന്തി മാതാ ക്രിയേഷന്റെ ബാനറില്‍ ഡോ. ജ്ഞാനദാസ് നിര്‍മ്മിക്കുന്ന ചിത്രത്തിന്റെ രചനയും സംവിധാനവും കെ.എസ്. ഹരിഹരനാണ്. സംവിധായകന്‍തന്നെ രചിച്ച വരികള്‍ക്ക് ഡോ. ഗിരീഷ് ജ്ഞാനദാസ് സംഗീതം പകര്‍ന്നിരിക്കുന്നു. ഡിഒപി ടി.എസ്. ബാബു. എഡിറ്റിംഗ് ഷമീര്‍. എക്‌സിക്യൂട്ടീവ് പ്രൊഡ്യൂസര്‍ ഡോ. ശാന്തി ജ്ഞാനദാസ്.
ഡോ. ഗിരീഷ് ജ്ഞാനദാസ് നായകനായ ചിത്രത്തില്‍ മണികണ്ഠന്‍ ആചാരി, ദേവന്‍, സുധീര്‍ കരമന, ഭീമന്‍രഘു, നിര്‍മല്‍പാലാഴി, ശിവജി ഗുരുവായൂര്‍, കബീര്‍, പ്രദീപ്, ആരാധ്യസായ്, ഗീതാ വിജയന്‍ എന്നിവരും അഭിനയിക്കുന്നു. പാലക്കാട്, നെന്മാറ, പോത്തുണ്ടി, ആലത്തൂര്‍ എന്നിവിടങ്ങളിലായിരുന്നു ചിത്രീകരണം നടന്നത്. ജയചന്ദ്രന്‍, സിത്താര, ഗിരീഷ് ജ്ഞാനദാസ്, ഭീമന്‍ രഘു എന്നിവരാണ് ചിത്രത്തിലെ ഗാനങ്ങള്‍ ആലപിച്ചിരിക്കുന്നത്. പശ്ചാത്തല സംഗീതം ശരത്ചന്ദ്രന്‍. ചീഫ് അസോസിയേറ്റ് ഡയറക്ടര്‍ വിനീഷ്‌നെന്മാറ. പ്രൊഡക്ഷന്‍ കണ്‍ട്രോളര്‍ പിസി മുഹമ്മദ്. പ്രൊഡക്ഷന്‍ എക്‌സിക്യൂട്ടീവ് ജയരാജ് വെട്ടം. പിആര്‍ഒ എം.കെ. ഷെജിന്‍ ആലപ്പുഴ.
Recent Comments