മെയ് 29, ശ്രീനാഥ് ഭാസിയുടെ ജന്മദിനമായിരുന്നു. സുഹൃത്തുക്കളും ആരാധകരുമടക്കം നിരവധിപ്പേരാണ് നേരിട്ടും അല്ലാതെയും ആദ്ദേഹത്തിന് ആശംസകള്‍ നേര്‍ന്നത്. കൂട്ടത്തില്‍ ശ്രീനാഥ് ഭാസിയുടെ പുതിയ ചിത്രത്തിന്റെ ടൈറ്റില്‍ അനൗണ്‍സ്‌മെന്റ് ചെയ്തുകൊണ്ടാണ് അതിന്റെ അണിയറപ്രവര്‍ത്തകര്‍ അദ്ദേഹത്തെ ഞെട്ടിച്ചത്. മമ്മൂട്ടിയുടെ ഫെയ്‌സ്ബുക്ക് പേജിലൂടെയായിരുന്നു ടൈറ്റില്‍ പുറത്തുവിട്ടത്. ആന്റപ്പന്‍ Weds ആന്‍സി എന്നാണ് ടൈറ്റില്‍.
സുമേഷ് & രമേഷിന് ശേഷം സനൂപ് തൈക്കൂടം സംവിധാനം ചെയ്യുന്ന ചിത്രം കൂടിയാണിത്. ശ്രീനാഥ് ഭാസിയും ബാലു വര്‍ഗീസുമാണ് സുമേഷിനെയും രമേഷിനെയും അവതരിപ്പിച്ചതെങ്കില്‍ ആന്റപ്പന്‍ Weds ആന്‍സിയില്‍ ശ്രീനാഥ് ഭാസിയോടൊപ്പം ചേരുന്നത് അര്‍ജുന്‍ അശോകനാണ്.
സനൂപ് തൈക്കുടവും ജോസഫ് വിജീഷും ചേര്‍ന്നാണ് തിരക്കഥ ഒരുക്കുന്നത്. ചിത്രത്തിന്റെ ഷൂട്ടിംഗ് സെപ്തംബറില്‍ ആരംഭിക്കും. താരനിര്‍ണ്ണയവും പൂര്‍ത്തിയായിട്ടില്ല. എലമെന്റ്‌സ് ഓഫ് സിനിമാസ് എന്റര്‍ടെയിന്‍മെന്റ്‌സിന്റെ ബാനറില്‍ സംവിധായകരായ ജി. മാര്‍ത്താണ്ഡന്‍, അജയ് വാസുദേവ്, എം. ശ്രീരാജ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഉമ്മര്‍ ഖാന്‍ സി.വി. നരിപറമ്പ്, സാജിദ് ബാബു പിണ്ടിക്കാട് എന്നിവരാണ് സഹനിര്‍മ്മാതാക്കള്‍.
Recent Comments