‘സീറോ’ എന്ന ചിത്രത്തിന് ശേഷം ഒരു ഷാരൂഖ് ഖാന്‍ ചിത്രത്തിനായി പ്രേക്ഷകര്‍ ഏറെ നാളായി കാത്തിരിക്കുകയാണ്. ഷാരൂഖ് ഏറ്റവും ഒടുവില്‍ അഭിനയിച്ചത് 2018 ല്‍ റിലീസ് ചെയ്ത സീറോയിലായിരുന്നു. ആരാധകരുടെ കാത്തിരിപ്പിന്റെ ആവേശം ഇരട്ടിയാക്കി ഷാരൂഖിനെ നായകനാക്കി സംവിധായകന്‍ ആറ്റ്‌ലീ ഒരുക്കുന്ന ജവാന്‍ എന്ന സിനിമയുടെ ടൈറ്റില്‍ അനൗണ്‍സ്‌മെന്റ വീഡിയോ പുറത്തിറങ്ങിരിക്കുകയാണ് ഇപ്പോള്‍.
അടുത്ത വര്‍ഷം ജൂണ്‍ 2നാണ് ചിത്രം പുറത്തിറങ്ങുക. മുഖത്തും കൈയിലുമാകെ ബാന്‍ഡേജ് ചുറ്റിയാണ് ഒന്നര മിനിറ്റ് ദൈര്‍ഘ്യമുള്ള വീഡിയോയില്‍ കിംഗ് ഖാന്‍ പ്രത്യക്ഷപ്പെടുന്നത്.
ചിത്രം ഒരു ആക്ഷന്‍ പാക്ഡ് എന്റര്‍ടൈനര്‍ ആകുമെന്ന് താരം അറിയിക്കുകയും ചെയ്തു. റെഡ് ചില്ലിസ് എന്റര്‍ടൈന്‍മെന്റിന് വേണ്ടി ഗൗരി ഖാനാണ് ചിത്രം നിര്‍മ്മിക്കുന്നത്. ഹിന്ദി കൂടാതെ തമിഴ്, തെലുങ്ക്, കന്നട, മലയാളം എന്നീ ഭാഷകളിലും ചിത്രം റിലീസ് ചെയ്യും. ചിത്രീകരണം പുരോഗമിക്കുന്ന ജവാനില്‍ നയന്‍താരയാണ് നായിക.
സിദ്ധാര്‍ത്ഥ് ആനന്ദ് ഒരുക്കുന്ന ‘പത്താന്‍’ എന്ന ചിത്രമാണ് അടുത്ത കൊല്ലം റിലീസിനൊരുങ്ങുന്ന മറ്റൊരു ഷാരൂഖ് ചിത്രം. ദീപിക പദുകോണും ജോണ്‍ അബ്രഹാമും ഈ ചിത്രത്തില്‍ വേഷമിടുന്നുണ്ട്.
Recent Comments