പ്രീമിയര്‍ സിനിമാസിന്റെ ബാനറില്‍ എം. വിശ്വപ്രതാപ് രചനയും സംവിധാനവും നിര്‍വ്വഹിക്കുന്ന ‘ഓര്‍മ്മകളില്‍’ എന്ന സിനിമയുടെ ചിത്രീകരണം പൂര്‍ത്തിയായി. ഒരിടവേളയ്ക്കു ശേഷം ശങ്കര്‍, ഒരു ഡിഐജി കഥാപാത്രത്തിലൂടെ, നായകനായി ശക്തമായ തിരിച്ചുവരവ് നടത്തുന്ന സിനിമ കൂടിയാണ് ഓര്‍മ്മകളില്‍. വിശ്വപ്രതാപ് തന്നെയാണ് ചിത്രം നിര്‍മ്മിക്കുന്നത്.
കന്യാകുമാരി ജില്ലയിലെ പ്രകൃതിരമണീയമായ ലൊക്കേഷനുകളിലായിരുന്നു ചിത്രീകരണം. ഏഷ്യയിലെ ഏറ്റവും ഉയരമുള്ളതും നീളമുള്ളതുമായ തൊട്ടില്‍പ്പാലം, ദക്ഷിണേന്ത്യയിലെ ഏറ്റവും വലിയ വെള്ളച്ചാട്ടങ്ങളിലൊന്നായ പറളിയാര്‍ വെള്ളച്ചാട്ടം, ഇന്ത്യയിലെ ഏറ്റവും വലിയ റബ്ബര്‍ പ്ലാന്റേഷനുകളിലൊന്നായ വൈകുണ്ഠം പ്ലാന്റേഷന്‍സ് തുടങ്ങി നിരവധി പ്രൈം ബ്യൂട്ടി സ്‌പോട്ടുകളിലായിരുന്നു ഷൂട്ടിംഗ്. അതുകൊണ്ടു തന്നെ വിഷ്വല്‍ മനോഹാരിത നിറഞ്ഞ് നില്ക്കുന്നുവെന്നതാണ് ചിത്രത്തിന്റെ ഏറ്റവും വലിയ ഹൈലൈറ്റ്.
ശങ്കറിനു പുറമെ ഷാജു ശ്രീധര്‍, നാസര്‍ ലത്തീഫ്, ദീപാ കര്‍ത്താ, പൂജിത മേനോന്‍, വിജയകുമാരി, അജയ്, ആര്യന്‍ കതൂരിയ, റോഷന്‍ അബ്ദുള്‍, മാസ്റ്റര്‍ ദൈവിക്, സതീഷ് തൃപ്പരപ്പ്, ശ്രീരാം ശര്‍മ്മ, സുരേഷ്‌കുമാര്‍ പി. എന്നിവരും അഭിനയിക്കുന്നു.
ഛായാഗ്രഹണം നിതിന്‍ കെ രാജ്, എഡിറ്റിംഗ് വിപിന്‍ മണ്ണൂര്‍, ഗാനരചന എം വിശ്വപ്രതാപ്, സംഗീതം ജോയ് മാക്‌സ്വെല്‍, ആലാപനം ജാസി ഗിഫ്റ്റ്, സുജാത മോഹന്‍, പ്രൊഡക്ഷന്‍ കണ്‍ട്രോളര്‍ ജയശീലന്‍ സദാനന്ദന്‍, ചീഫ് അസ്സോസിയേറ്റ് ഡയറക്ടര്‍ എ.എല്‍. അജികുമാര്‍, പശ്ചാത്തലസംഗീതം സുധേന്ദുരാജ്, കല ബിനില്‍ കെ ആന്റണി, ചമയം പ്രദീപ് വിതുര, കോസ്റ്റിയും രവികുമാരപുരം, പ്രൊഡക്ഷന്‍ മാനേജര്‍ പ്രസാദ് മുണ്ടേല, ഫിനാന്‍സ് കണ്‍ട്രോളര്‍ ടി മഗേഷ്, ഡിസൈന്‍സ് വിനീത് വാസുദേവന്‍, സംവിധാന സഹായികള്‍ ആഷിക് സുധാകരന്‍, അരുണ്‍ കുമ്മാസി, സ്‌നിഗ്ദിന്‍ സൈമണ്‍ ജോസഫ്, സോബിന്‍ ജോസഫ് ചാക്കോ, സ്റ്റുഡിയോ പോസ്റ്റ് ഫോക്കസ് എന്റര്‍ടെയ്ന്‍മെന്റ് പ്രൈവറ്റ് ലിമിറ്റഡ്, സ്റ്റില്‍സ് അജേഷ് ആവണി, പിആര്‍ഒ അജയ് തുണ്ടത്തില്‍.
Recent Comments