തെന്നിന്ത്യന്‍ താരമായ യുവനടി സുനൈനയെ നായികയാക്കി ഡോമിന്‍ ഡി. സില്‍വ മലയാളം, തമിഴ്, തെലുങ്ക്, ഹിന്ദി എന്നീ ഭാഷകളിലായി സംവിധാനം ചെയ്യുന്ന ചിത്രമാണ് ‘റെജീന’. സതീഷ് നായരാണ് ‘റെജീന’യുടെ നിര്‍മ്മാതാവും സംഗീത സവിധായകനും നിര്‍വ്വഹിക്കുന്നത്.
സംവിധായകരായ ആഷിഖ് അബുവും, വെങ്കട് പ്രഭുവും ചേര്‍ന്നാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറക്കിയത്. ഒരു സ്‌റ്റൈലിഷ് ത്രില്ലര്‍ ചിത്രമാണ് ‘റെജീന’ എന്നാണ് അണിയറക്കാര്‍ അവകാശപ്പെടുന്നത്.
യെല്ലോ ബിയര്‍ പ്രൊഡക്ഷന്‍ എല്‍എല്‍പിയുടെ ബാനറില്‍ നിര്‍മ്മിക്കുന്ന ‘റെജീന’യുടെ മലയാളം പതിപ്പില്‍ ഹരി നാരായണന്‍ രചനയും രമ്യാ നമ്പീശന്‍, വൈക്കം വിജലക്ഷ്മി എന്നിവര്‍ ഗായകരുമാകുന്നു. ക്രൈം ത്രില്ലറായ ‘റെജീന’യെ കുറിച്ചുളള കൂടുതല്‍ വിവരങ്ങള്‍ ഉടന്‍ വെളിപ്പെടുത്തുമെന്നും അണിയറക്കാര്‍ അറിയിച്ചു. പി.ആര്.ഒ. സി.കെ. അജയ് കുമാര്‍.
Recent Comments