വിക്രത്തിന്റെ വിജയത്തില്‍ നടന്‍ സൂര്യയ്ക്ക് റോളക്‌സ് വാച്ച് സമ്മാനിച്ച് കമല്‍ഹാസന്‍. ചിത്രത്തിന്റെ ക്ലൈമാക്‌സില്‍ റോളക്‌സ് എന്ന വില്ലന്‍ കഥാപാത്രത്തെ അവതരിപ്പിച്ച സൂര്യയ്ക്ക് കമല്‍ തന്റെ സ്വന്തം വാച്ചാണ് സ്‌നേഹോപഹാരമായി നല്‍കിയത്.
റോളക്‌സ് വാച്ച് ശ്രേണിയില്‍ ലക്ഷങ്ങള്‍ വിലമതിക്കുന്നതും മുന്തിയ മോഡലുകളിലൊന്നായ റോളക്‌സ് ഡേ ഡേറ്റ് പ്രസിഡന്‍ഷ്യല്‍ എന്ന വാച്ചാണ് കമല്‍ സൂര്യയ്ക്ക് സമ്മാനിച്ചത്. സൂര്യ തന്റെ സമൂഹമാധ്യമങ്ങളൂടെ ഈ ചിത്രങ്ങള്‍ പങ്കുവയ്ക്കുകയും ചെയ്തു.
A moment like this makes life beautiful! Thank you Anna for your #Rolex! @ikamalhaasan pic.twitter.com/uAfAM8bVkM
— Suriya Sivakumar (@Suriya_offl) June 8, 2022
കഴിഞ്ഞ ദിവസം സംവിധായകന്‍ ലോകേഷ് കനകരാജിന് ലക്‌സസ് ഇഎസ് 300 എച്ച് എന്ന ആഡംബര കാറും 13 സഹസംവിധായകര്‍ക്കും ബൈക്കുകളും കമല്‍ സമ്മാനമായി നല്‍കിയിരുന്നു. ലോകേഷിന് കമല്‍ കാറിന്റെ താക്കോല്‍ സമ്മാനിക്കുന്ന ചിത്രവും ലോകേഷ് തന്നെയാണ് സമൂഹമാധ്യമങ്ങളില്‍ പോസ്റ്റ് ചെയ്തത്.
Thank you so much Aandavarey @ikamalhaasan 🙏🏻 ❤️❤️❤️ pic.twitter.com/h2qZjWKApm
— Lokesh Kanagaraj (@Dir_Lokesh) June 7, 2022
വിക്രം റിലീസ് ചെയ്തതുമുതല്‍ തന്നെ വലിയ സ്വീകാര്യതയാണ് പ്രേക്ഷകരില്‍നിന്ന് ലഭിക്കുന്നത്. റിലീസ് ചെയ്ത അഞ്ച് ദിവസം കൊണ്ട് 200 കോടിയിലേറെ രൂപയാണ് ബോക്‌സ് ഓഫീസില്‍ നിന്ന് ചിത്രം നേടിയതെന്നാണ് റിപ്പോര്‍ട്ട്. മലയാളി താരങ്ങളായ ഫഹദ് ഫാസില്‍, നരേന്‍, ചെമ്പന്‍ വിനോദ്, കാളിദാസ് ജയറാം എന്നിവരും ചിത്രത്തിലെ മറ്റ് പ്രധാന അഭിനേതാക്കളാണ്.
Recent Comments