ഒരു നീണ്ട ഇടവേളയ്ക്കുശേഷം ഭാവന മലയാളസിനിമയില്‍ സജീവമാകുന്നു. കൊടുങ്ങല്ലൂരില്‍ ചിത്രീകരണമാരംഭിച്ച ‘ന്റിക്കാക്കാക്കൊരു പ്രേമണ്ടാര്‍ന്ന്’ എന്ന ചിത്രത്തിന്റെ ലൊക്കേഷനില്‍ ഭാവന ജോയിന്‍ ചെയ്തു. ആദം ജോണാണ് ഭാവന ഏറ്റവും ഒടുവിലായി അഭിനയിച്ച മലയാളചിത്രം.
ഷറഫുദ്ദീനും ഭാവനയുമാണ് ‘ന്റിക്കാക്കാക്കൊരു പ്രേമണ്ടാര്‍ന്ന്’ എന്ന ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. ഒരു പ്രണയകഥയാണ് ചിത്രം പറയുന്നത്. അശോകന്‍, സാദിക്ക്, ഷെബിന്‍സണ്‍, അനാര്‍ക്കലി മരക്കാര്‍ തുടങ്ങിയ താരങ്ങളും ചിത്രത്തില്‍ അഭിനയിക്കുന്നു.
നവാഗതനായ ആദില്‍ മൈമുനത്ത് അഷ്‌റഫാണ് സംവിധായകന്‍. റെനീഷ് അബ്ദുള്‍ ഖാദര്‍ നിര്‍മ്മിക്കുന്ന ചിത്രത്തിന്റെ ഛായാഗ്രാഹകന്‍ അരുണ്‍ റെഷീദിയാണ്. അലക്‌സ കുര്യനാണ് പ്രൊഡക്ഷന്‍ കണ്‍ട്രോളര്‍.
Recent Comments