ആക്ഷന്‍ കിംഗ് സുരേഷ് ഗോപി ഇന്ന് 64-ാം പിറന്നാള്‍ ആഘോഷിക്കുയാണ്. താരത്തിന്റെ പിറന്നാള്‍ ദിനത്തില്‍ പുതിയ ചിത്രമായ എസ്. ജി 251 ന്റെ സെക്കന്റ് ലുക്ക് പോസ്റ്റര്‍ പുറത്ത് വിട്ടിരിക്കുകയാണ് അണിയറക്കാര്‍.
കൈയില്‍ ചോരയോലിക്കുന്ന കത്തിയും പിടിച്ച് ഏകദേശം 34 വയസ് തോന്നിക്കുന്ന ഗാങ്സ്റ്റര്‍ ലുക്കിലാണ് സുരേഷ് ഗോപിയെ പോസ്റ്ററില്‍ കാണാന്‍ സാധിക്കുക.
രാഹുല്‍ രാമചന്ദ്രന്‍ സംവിധാനം ചെയ്യുന്ന ഈ ചിത്രത്തിന്റെ ഫസ്റ്റ് ലുക്ക് പോസ്റ്ററിന് വല്യ ശ്രദ്ധനേടിയിരുന്നു. ചിത്രത്തില്‍ വട ചെന്നൈ ബേസ് ചെയ്ത് പ്രവര്‍ത്തിക്കുന്ന ഗാങ്സ്റ്ററായാണ് സുരേഷ് ഗോപി എത്തുന്നത്.
എതേറിയല്‍ എന്റര്‍ടൈന്‍മെന്റസാണ് ചിത്രം നിര്‍മ്മിക്കുന്നത്. സമീന്‍ സലീം രചന നിര്‍വഹിക്കുന്നു. എസ് ജി 251 എന്ന് താല്‍ക്കാലികമായി പേര് നല്‍കിയിരിക്കുന്ന ഈ ചിത്രം
അടുത്ത വര്‍ഷം തീയേറ്ററുകയില്‍ എത്തും.
Recent Comments